Zbornaja Biełarusi zhulała druhuju ničyju zapar u matčy, jaki ničoha nie značyŭ
U aŭtorak u Vienhryi futbolnaja zbornaja Biełarusi praviała apošni matč adboračnaha turniru da čempijanatu śvietu. Supiernikam była zbornaja Hrecyi.
Hetaja hulnia ničoha nie vyrašała. Biełarusy daterminova finišavali na apošnim čaćviertym miescy, hreki na trecim. Matč i skončyŭsia nulavoj ničyjoj — 0:0.
Heta druhaja ničyja biełarusaŭ u adbory. U subotu jany zhulali z Kapienhahienie z Danijaj — 2:2.
Pierad hetym jany prajhrali čatyry pajadynki: u vieraśni Hrecyi i Šatłandyi (1:5, 0:2), u kastryčniku Danii i Šatłandyi (0:6, 1:2).
A voś siońnia ŭ Hłazha adbyłosia sapraŭdnaje zachaplalnaje vidovišča. Šatłandcam, kab napramuju vyjści na čempijanat śvietu, treba tolki pieramahać Daniju.
Užo na 3‑j chvilinie MakTominej zabiŭ, u pačatku druhoha tajma Chojłund ź pienalci zraŭniaŭ lik, ale nieŭzabavie ŭ datčan było vydaleńnie, i šatłandcy zabili (Šenkłand), Dorhu zraŭniaŭ (2:2). Ale na apošnich chvilinach hieraičnymi vysiłkami Cirni i MakLina šatłandcy zavajavali pucioŭku na čempijanat śvietu — 4:2.
Danija budzie prabivacca praz styki.
Vynikovaje stanovišča: Šatłandyja — 13 bałaŭ, Danija — 11, Hrecyja — 7, Biełaruś — 2.
Vyznačylisia kamandy ad Jeŭropy, što napramuju vyjšli na ČS pa futbole, i ŭdzielniki stykavych matčaŭ
Tak na centralnaj płoščy Osła vitali futbolnuju zbornuju Narviehii VIDEA
Na matč Ukraina — Isłandyja ŭ Varšavie pranieśli vialikija raściažki «F*k Pucin» i «Stop Łuka»
Futbolnaja zbornaja Biełarusi ździejśniła siensacyju dnia ŭ Jeŭropie — 2:2 z Danijaj
Ciapier čytajuć
«Kali b u Biełarusi ŭsio było dobra, to vašy b nie jechali siudy pa kaŭbasu». Repartaž z prymiežnych Babroŭnikaŭ12
Kamientary