Žonka biełaruskaha palityka i hramadskaha dziejača Alaksandra Milinkieviča Ina Kulej paviedamiła ŭ fejsbuku apošnija naviny pra stan jaho zdaroŭja.
«Jon znachodzicca ŭ adździaleńni intensiŭnaj terapii, jaho ŭviali ŭ farmakałahičny son. Heta važna, kab dać arhanizmu mahčymaść padužeć, nie stračvajučy siły na ruch.
Stan stabilny. Nieŭrołahi prymuć rašeńnie pra dalejšyja kroki», — napisała Ina Kulej.
25 listapada Alaksandru Milinkieviču rabili apieracyju pa vydaleńni tromba, jaki zakryvaŭ 80% sonnaj arteryi. Padčas apieracyi ŭtvaryŭsia mocny kryvaciok, paśla čaho palityk trapiŭ u vielmi ciažkim stanie ŭ reanimacyju.
Alaksandru Milinkieviču ciapier 78 hadoŭ. Jon sam z Hrodna, u 1990—1996 hadach byŭ namieśnikam staršyni Hrodzienskaha harvykankama, u toj čas mocna paspryjaŭ biełarusizacyi ŭ horadzie. U 2006 hodzie byŭ kandydatam ad demakratyčnaj apazicyi sa statusam «adzinaha» na prezidenckich vybarach. Paśla stvaryŭ hramadski ruch «Za Svabodu» i da 2016 hoda byŭ jahonym kiraŭnikom. U apošnija hady źjaŭlajecca pazaštatnym daradcam Śviatłany Cichanoŭskaj, adnym z arhanizataraŭ «Volnaha biełaruskaha ŭniviersiteta».
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary