Fiaduta apošnija paŭtara miesiaca pravioŭ u miedčastcy i rychtavaŭsia da apieracyi
Palitołah i litaraturaznaŭca Alaksandr Fiaduta raskazaŭ na pieršaj pres-kanfierencyi paśla vyzvaleńnia, što apošnim časam byŭ u miedčastcy.
«Apošnija paŭtara miesiaca ja pravioŭ na stacyjanary miedčastki kałonii, dzie adbyvaŭ pakarańnie. Pakolki moj stan zdaroŭja pačaŭ paharšacca, było pryniata rašeńnie rychtavać mianie da apieracyi. Apieracyja za niekalki dzion da vyzvaleńnia była pryznačana na 24 lutaha.
Tamu ja spakojna spaŭ. A pałovie piataj ranicy mianie razbudziŭ namieśnik načalnika kałonii, jaki paprasiŭ adziecca i vyjści ź im. U pakoi, jaki nazyvaŭsia «etapka» — heta značyć, praź jaki paśla nadhladu adbyvałasia pieramiaščeńnie — jon spytaŭ u mianie, ci razumieju ja, što adbyvajecca. Ja zrazumieŭ, što, chutčej za ŭsio, pačaŭsia praces vyzvaleńnia, i spytaŭ, dzie maje rečy, ci možna mnie pajści ŭ atrad i sabrać ich. Jon skazaŭ: «Vašy rečy ŭžo ŭ aŭtobusie».
Užo pryjechaŭšy siudy, ja zrazumieŭ, čamu mnie nie dali ich ahledzieć. Byli kanfiskavanyja maje rukapisy. Tam nie było palityčnych zapisaŭ, tam nie było i dziońnikaŭ. Tam nie było nijakaj infarmacyi, jakaja tyčyłasia majho źniavoleńnia. Tam byŭ napisany kinascenaryj, dźvie pjesy i dva sšytki ź vieršami».
Fiaduta zrazumieŭ, što ich viazuć va Ukrainu, pa soncy.
«Ja ŭžo zvyk da taho, što ŭ Biełaruś z Maskvy mianie dastaŭlali ź miaškom na hałavie, i ź Biełarusi va Ukrainu mianie dastavili, mocna nasunuŭšy turemnuju šapku na hałavu. Tamu… Nu tolki pa soncy ja zrazumieŭ, što, chutčej za ŭsio, viazuć na poŭdzień. Poŭdzień — była Ukraina».
Ciapier čytajuć
Z čornaha śpisu artystaŭ prybrali try hurty. Dazvolili navat «Kino»4
Z čornaha śpisu artystaŭ prybrali try hurty. Dazvolili navat «Kino»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Heta kab ty razumny Ramzaj zrazumieŭ što tady adbyvałasia