Adzinočka stvaryŭ hulniu pa historyi Zielcara: šmat hvałtu i trupy realnych siłavikoŭ
Psycho Partisans: Officer Nirvana — amatarski chorar-šutar ad pieršaj asoby pra Biełaruś paśla 2020 hoda. Jon pužaje nie tolki ekstremalnym hvałtam suprać siłavikoŭ, ale i samim faktam, što niechta dajšoŭ da taho, kab stvaryć takuju hulniu.
Aŭtar, padpisany nikam FritzAndMoses, apisvaje svoj prajekt jak mastackaje vykazvańnie i palityčnuju zajavu, a nie jak tradycyjnuju videahulniu.
Pavodle apisańnia hulni na płatformie Steam, usie imiony i tvary vorahaŭ u hulni realnyja. Jany naležać ludziam, jakija, jak śćviardžaje raspracoŭščyk, ździajśniali złačynstvy suprać čałaviečnaści. Dramatyčnaja historyja zasnavanaja na realnych padziejach i nie maje ščaślivaha finału.
Dziejańnie razhortvajecca ŭ Biełarusi ŭ 2021 hodzie — paśla sfalsifikavanych prezidenckich vybaraŭ. U krainie panuje teror: siłaviki palujuć na pratestoŭcaŭ, u turmach prymianiajucca katavańni, na vulicach adbyvajecca hvałt.
U hulni pakazana pramova Łukašenki, jaki staić na scenie pamiž biełaruskimi dziaržaŭnymi i rasijskimi ściahami — ale ź simvolikaj vybaraŭ 2025 hoda. Jon vystupaje pa-anhlijsku ź biełaruskimi subcitrami, zajaŭlaje pra svaju pieramohu z 95% hałasoŭ, abvinavačvaje vorahaŭ u ŭviadzieńni sankcyj, pahražaje jadziernaj zbrojaj, razvažaje pra «pacukoŭ» unutry krainy i abiacaje razdušyć kožnaha, chto parušyć «adzinstva».
Hałoŭny hieroj hulni — 30‑hadovy ajcišnik Andrej. Jon sprabuje pravieści cichi viečar za prahramavańniem i robić prostuju hulniu pra vybary, ale padziei vychodziać z-pad kantrolu.
Ni nazva, ni apisańnie nie chavajuć taho, što hulnia adsyłaje da padziej 28 vieraśnia 2021 hoda ŭ Minsku, kali padčas šturmu kvatery adbyłasia pierastrełka pamiž supracoŭnikami KDB i ajcišnikam Andrejem Zielcaram. U vyniku zahinuŭ supracoŭnik śpiecpadraździaleńnia «Alfa» Dźmitryj Fiedasiuk z pazyŭnym «Nirvana», vyniesienym u nazvu hulni, a sam Zielcar byŭ zastreleny. Paśla hetaha ŭ Biełarusi pačałasia maštabnaja chvala kryminalnych spraŭ i represij suprać ludziej, jakija publična vykazvali spačuvańnie Zielcaru.
Hiejmpłej apisvajecca jak vyžyvańnie va ŭmovach «dyktatury biełaruskaha samazvanca», źmiašanaje ź mifałohijaj i historyjami pra biełaruskich hierojaŭ, jakija zmahajucca za svabodu.
Hulnia źmiaščaje sceny ekstremalnaha hvałtu i, jak adznačaje aŭtar, nie pryznačanaja dla ŭsich uzrostaŭ.
U pakazanych kadrach hiejmpłeju hałoŭny hieroj adčyniaje dźviery svajoj kvatery, u jakuju hrukajecca milicyjanier, zabivaje jaho z ahniastrelnaj zbroi i dastaje z trupa słužbovaje paśviedčańnie.
Tam paznačana imia Ihara Kačuka — całkam realnaha biełaruskaha milicyjaniera, a ŭ virtualnaj ksivie vykarystana jaho sapraŭdnaje fota i svojeasablivaje apisańnie «zasłuh»: «Han*on musarski, jaki mučyŭ ludziej na Akreścina».
Paśla hulec zabivaje jašče adnaho siłavika na leśvicy. Na inšych skrynšotach jon pieratvaraje siłavikoŭ u kryvavaje miesiva z drabavika ŭžo ŭ svajoj kvatery.
Hvałtu ŭ hulni vielmi šmat. U adnym z rańnich rolikaŭ aŭtar pakazvaje, jak znosić z drabavika hałavu Łukašenku, jaki siadzić na załatym unitazie pad dziaržaŭnym ściaham.
Łahatyp hulni — stylizavany bieła-čyrvona-bieły ściah z hałavoj čorta pasiaredzinie. Heta nieadnaznačnaje rašeńnie dla antyrežymnaj kanvy, bo «bčb-biesami» praciŭnikaŭ Łukašenki nazyvajuć siłaviki i prapahandysty. Postary z tym ža čortam možna zaŭvažyć i na ścienach kvatery hałoŭnaha hieroja.
U hałoŭnym mieniu hulni na fonie aŭtazaka sa ściahami Biełarusi i Rasii bačny paviešany na drevie siłavik, jaho dubinka i ščyt lažać pobač na ziamli.
Na zaśniežanych dvarach i darohach staić technika siłavikoŭ i mašyny z Z-simvolikaj. Na ŭzbočynach siłaviki pravodziać asabisty dahlad cyvilnych.
Sustrakajucca i siurrealistyčnyja sceny: statak vielizarnych zubroŭ, jakija iduć praź śniežnaje pole zimovym viečaram u nieviadomym kirunku, a taksama «biaśpiečnaje miesca dla hulca» — utulnaja viaskovaja chata z kaminam.
Raspracoŭščyk adznačaje, što padčas stvareńnia hulni šyroka vykarystoŭvalisia instrumienty štučnaha intelektu — dla hienieracyi tekstur, hałasoŭ, animacyj i dapamohi ŭ pracy z kodam. Siarod zajaŭlenych movaŭ — tolki anhlijskaja, vidać, praz toje, što na joj praściej stvarać štučny aŭdyjakantent, u tym liku hołas Łukašenki.
-
Vyjšła aŭtabijahrafija Marka Šahała «Svajo»
-
«Ruskaj movy moj syn nie čuje». Marharyta Laŭčuk — pra vykliki maciarynstva, viartańnie na vialikuju scenu, abražanaha Łukašenku i kachańnie
-
U Vilni ŭšanujuć pamiać biełaruskaha fatohrafa Juzafa Čachoviča i mastakoŭ Ślandzinskich. Vakoł šyldaŭ razhareŭsia moŭny skandał
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu6
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
"Pužaje", "ekstriemalnym", "siłavikom".
Vy na čyim baku? Siłavikoŭ ci naroda?
Mnie taki łahatyp vielmi nie spadabaŭsia.