«Nievierahodna — pabačyć jaho sapraŭdnuju asobu». U sacsietkach zavirusiłasia VIDEA ź Leanarda Dy Kaprya
U sacsietkach stała virusnym videa z akcioram Leanarda Dy Kaprya, źniataje padčas rekłamnaj paŭzy na cyrymonii «Załaty hłobus». Karystalniki źviarnuli ŭvahu, što ŭ hety nieaficyjny momant akcior pakazaŭ siabie ź niečakana žyvoha i emacyjnaha boku, zusim nie tak, jak zvyčajna vyhladaje na publicy, piša The Independent.
50‑hadovy Dy Kaprya prysutničaŭ na cyrymonii ŭ Łos-Andželesie, dzie byŭ naminavany za rolu ŭ kamiedyjnym bajaviku «Bitva za bitvaj», jaki ŭ vyniku atrymaŭ čatyry ŭznaharody. Choć viadučaja Niki Hlejzier pažartavała ź jaho pryvatnaha žyćcia i zvyčki sustrakacca z maładymi žančynami, najbolšuju ŭvahu hledačoŭ pryciahnuŭ mienavita epizod za kadram.
Na videa vidać, jak Dy Kaprya emacyjna razmaŭlaje ź inšaj hościaj — mierkavana, sa svajoj kalehaj pa filmie Čejz Infinici, jakaja źjaŭlajecca vialikaj amatarkaj K-pop. Akcior žartaŭliva imituje jaje reakcyju na pośpiech multfilma «KPop: palaŭničyja na demanaŭ», jaki atrymaŭ dźvie ŭznaharody, u tym liku za najlepšuju pieśniu.
Zvyčajna Dy Kaprya viadomy strymanymi pavodzinami i zakrytaściu, tamu šmat chto ŭspryniaŭ hety momant jak redkuju mahčymaść ubačyć, jakim jon byvaje ŭ kole siabroŭ. U kamientarach pisali, što heta «nievierahodna — pabačyć jaho sapraŭdnuju asobu», i što jaho aficyjny imidž, mahčyma, i byŭ hałoŭnaj «rolaj» uvieś hety čas. Niekatoryja navat pažartavali, što hety klip možna ličyć novaj akciorskaj pracaj Dy Kaprya.
Jość taksama viersija, što Dy Kaprya nasamreč razmaŭlaŭ nie ź Infinici, a sa svajoj siabroŭkaj Dženifier Łoŭrens, ź jakoj jon zdymaŭsia ŭ filmie «Nie hladzicie navierch».
Raniej padčas cyrymonii Niki Hlejzier pažartavała, što hałoŭnaje dasiahnieńnie akciora — heta paśpiachovaja karjera, jakuju jon paśpieŭ pabudavać jašče da taho, jak jaho dziaŭčyna dasiahnuła 30 hadoŭ. Dy Kaprya adreahavaŭ na žart spakojna. Raniej jaho partniorkami byli značna maładziejšyja madeli, a ciapier jon sustrakajecca z 27‑hadovaj italjankaj Vitoryjaj Čareci.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ1
Kamientary
Bastyjon biełaruščyny jak jość. Pabudavany maskalami.