Biełstat apublikavaŭ infarmacyju ab prodažach ałkaholnych napojaŭ u našaj krainie za 2025 hod.
U studzieni — śniežni 2024 hoda arhanizacyjami handlu Biełarusi było realizavana 41 793,4 tys. dekalitraŭ piva, a ŭ studzieni — śniežni 2025 hoda — 40 171,3 tys. Takim čynam, prodažy piŭnoha napoju skaracilisia na 3,9%.
Admoŭnuju dynamiku prodažaŭ pakazali vinahradnyja i pładovyja viny (-4% i -13,7% adpaviedna), a taksama šumlivyja viny, uklučajučy šampanskaje (-0,3%).
Anałahičnaja situacyja nazirajecca ŭ realizacyi harełki (-1,0%) i słabaałkaholnych napojaŭ (-2,2%). Katehoryja «ałkaholnyja napoi inšyja» taksama pajšła ŭ minus, ale ź minimalnym značeńniem (-0,05%).
Pryrastańnie prodažu pakazali tolki:
- kańjak, kańjačnyja napoi i brendzi (+9,3%);
- likiory i likiora-harełačnyja vyraby (+7,1%).
Źviestki pryviedzieny pa arhanizacyjach viedamasnaj padparadkavanaści i (ci) udzielnikach chołdynhaŭ, arhanizacyjach bieź viedamasnaj padparadkavanaści ź siaredniaj kolkaściu rabotnikaŭ za papiaredni hod 50 čałaviek i bolš, a taksama pa arhanizacyjach bieź viedamasnaj padparadkavanaści ź siaredniaj kolkaściu rabotnikaŭ za papiaredni hod da 49 čałaviek uklučna, abśledavanyja vybaračnym mietadam.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary