Белстат апублікаваў інфармацыю аб продажах алкагольных напояў у нашай краіне за 2025 год.
У студзені — снежні 2024 года арганізацыямі гандлю Беларусі было рэалізавана 41 793,4 тыс. дэкалітраў піва, а ў студзені — снежні 2025 года — 40 171,3 тыс. Такім чынам, продажы піўнога напою скараціліся на 3,9%.
Адмоўную дынаміку продажаў паказалі вінаградныя і пладовыя віны (-4% і -13,7% адпаведна), а таксама шумлівыя віны, уключаючы шампанскае (-0,3%).
Аналагічная сітуацыя назіраецца ў рэалізацыі гарэлкі (-1,0%) і слабаалкагольных напояў (-2,2%). Катэгорыя «алкагольныя напоі іншыя» таксама пайшла ў мінус, але з мінімальным значэннем (-0,05%).
Прырастанне продажу паказалі толькі:
- каньяк, каньячныя напоі і брэндзі (+9,3%);
- лікёры і лікёра-гарэлачныя вырабы (+7,1%).
Звесткі прыведзены па арганізацыях ведамаснай падпарадкаванасці і (ці) удзельніках холдынгаў, арганізацыях без ведамаснай падпарадкаванасці з сярэдняй колькасцю работнікаў за папярэдні год 50 чалавек і больш, а таксама па арганізацыях без ведамаснай падпарадкаванасці з сярэдняй колькасцю работнікаў за папярэдні год да 49 чалавек уключна, абследаваныя выбарачным метадам.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары