Sapraŭdny pałac za 90 rubloŭ. U Biełarusi šukajuć haspadara dla pabudovy 1751 hoda
Paŭtary tysiačy «kvadrataŭ», 1751 hod pabudovy, vyraznaja architektura, aficyjny status pałaca. I ŭsio heta moža stać vašym, pryčym za vielmi ścipłuju sumu. Kali, kaniešnie, aŭkcyjon, zapłanavany «BUTB-Ułasnaść», raptam nie pieratvorycca ŭ haračaje pole bitvy, piša Onliner.by.
Vyniki tarhoŭ pa ŭnikalnym łocie my daviedajemsia tolki 11 sakavika
Kaliści biełaśniežny budynak, pabudavany ŭ styli baroka, raźmieščany ŭ horadzie Dziatłava, na vulicy Pieramohi, 2A. Ź Minska da pałaca možna dabracca na mašynie za dźvie z pałovaj hadziny. Z Hrodna šlach nie našmat karaciejšy — dźvie hadziny na aŭto.
Pałac, za dva kroki ad jakoha praciakaje raka Dziatłaŭka, naležaŭ Radziviłam. Uzvodzić jaho (na miescy spalenaha šviedami draŭlanaha zamka) pačaŭ Mikałaj Faŭstyn Radzivił, a haspadaryŭ užo ŭ asnoŭnym jaho syn — piśmieńnik, paet, historyk, dziaržaŭny dziejač VKŁ i navat kniaź Śviaščennaj Rymskaj impieryi Ulryk Kryštaf Radzivił.
Jak bačym, budynak zmoh pieraadoleć usie histaryčnyja niahody. Choć i rastraciŭ lapninu, a taksama viežački pa bakach. Navakolnaja terytoryja taksama stała prykmietna praściejšaj (kažuć, raniej prylehły park byŭ napoŭnieny altankami, skulpturami i mastkami).
Cikava, što z 1938 i da 2010 hoda ŭ pałacy raźmiaščałasia haradskaja stamatałohija. Zaraz ža jon šukaje novyja i vielmi dobryja ruki.
«Siońnia pałac maje patrebu ŭ maštabnaj restaŭracyi, i biez surjoznaha inviestara tut nie abyścisia. Charakterna, što hety pomnik architektury ŭžo dvojčy paśpiachova pradavaŭsia na aŭkcyjonie, ale novyja ŭładalniki tak i nie zmahli vykanać uziatyja abaviazacielstvy — u vyniku abjekt viarnuŭsia va ŭłasnaść Dziatłaŭskaha rajvykankama», — uvodzić u kurs spravy arhanizatar aŭkcyjonu.
Jakija ž abmiežavańni i abaviazacielstvy čakajuć luboha, chto zadumajecca ab kupli hetaha charastva? Treba skazać, niemałyja: padpisańnie achoŭnaha abaviazalnictva, raspracoŭka i zaćviardžeńnie na praciahu adnaho hoda prajektnaj dakumientacyi, uvod abjekta ŭ ekspłuatacyju nie paźniej za piać hadoŭ paśla zaklučeńnia ździełki.
Pry hetym termin arendy ziamielnaha ŭčastka prapisany vialiki — pa 28 listapada 2072 hoda.
Udakładniajecca taksama, što rynkavy košt abjekta — 255 000 rubloŭ (pa stanie na 28 kastryčnika 2024 hoda). Ale na tarhi pałac pastupić sa startavaj canoj usiaho 90 rubloŭ.
Viasnoj minułaha hoda jaho ŭžo sprabavali pradać, ale za 148 032 rubli.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj30
Kamientary