U najbližejšy čas pierastanuć pracavać paštovyja skrynki tut.by
Sa słoŭ krynicy vydańnia Tochka.by, u Biełarusi pryniali rašeńnie całkam spynić funkcyjanavańnie resursaŭ, źviazanych z tut.by. Ci nie adzinym z takich dahetul zastavałasia elektronnaja pošta.
Z pačatku 2026 hoda biełaruskija jurydyčnyja asoby atrymlivajuć patrabavańni ad orhanaŭ vykanaŭčaj ułady karystacca tolki abaronienymi paštovymi servisami, raźmieščanymi ŭ nacyjanalnym siehmiencie internetu. Heta prapisana va ŭkazie Łukašenki № 60.
Pry hetym zabaroniena vykarystoŭvać resursy, źviazanyja z «ekstremisckaj dziejnaściu». Asablivuju ŭvahu pry hetym źviarnuli na tut.by, jaki ŭklučany ŭ śpis internet-resursaŭ z abmiežavanym dostupam.
Najbujniejšy ŭ Biełarusi infarmacyjny resurs Tut.by byŭ pryznany «ekstremisckim» i zabłakavany ŭ 2021 hodzie. Ciapier jaho spravu praciahvaje vydańnie «Lusterka».
Paštovy servis Tut.by da 2009 hoda byŭ samastojny, paśla pierajšoŭ na płatformu Google, a z 2015‑ha pracuje na płatformie «Jandeksa».
Ciapier čytajuć
Aryštavali pradstaŭnikoŭ kampanii Bayer u Biełarusi14
Aryštavali pradstaŭnikoŭ kampanii Bayer u Biełarusi
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary
(Nie mail.ru, viadoma ž).
Paśla vydalicie ŭsie piśmy sa skryni.
Mahčyma, jandeks budzie niekatory čas davać zajści na poštu praź vieb-interfiejs, ale sami piśmy na hetuju poštu dachodzić nie buduć.
Mahčyma, jandeks prydumaje niešta, naprykład, novaje paštovaje imia dla toj ža skryni.
Nie čaplajciesia.
Imia pryhožaje, nacyjanalnaje nastalhičnaje, ale jano daŭno pad kantrolem Rasiei, jak i ŭsia vašaja pierapiska.
Darečy, heta nie tolki vašaja asabistaja sprava, ale i sprava vašych paštovych abanientaŭ, čyju piśmy vy taksama addajacie zachoŭvać u niebiaśpiečnaje miesca.