Hałoŭny trenier zbornaj Finlandyi pa skačkach z tramplina pierabraŭ na Alimpijadzie z ałkaholem
Hałoŭnaha treniera zbornaj Finlandyi pa skačkach z tramplina Ihara Miedvieda daterminova adpravili dadomu ź zimovych Alimpijskich hulniaŭ u Miłanie i Karcina-d'Ampieca praz parušeńnie im pravił adnosna ałkaholu, paviedamlaje Yle.fi.
Sa słoŭ kiraŭnika finskaj alimpijskaj kamandy Jane Chaniniena, zdareńnie, jakoje stała pryčynaj takoha rašeńnia, adbyłosia nie padčas vykanańnia Miedviedam svaich abaviazkaŭ, tamu detali incydentu nie raskryvajucca.
Sam Ihar Miedvied u aficyjnaj zajavie pryznaŭ svaju vinu, vykazaŭ škadavańnie i zajaviŭ, što «nie hanarycca saboj». Jon paprasiŭ prabačeńnia ŭ spartsmienaŭ, trenieraŭ i zaŭziataraŭ finskaj zbornaj, adznačyŭšy, što choča, kab kamanda mahła zasiarodzicca na spabornictvach i praciahvać svaju pracu.
Miedvied raskazaŭ, što incydent adbyŭsia 10 lutaha ŭ horadzie Pradaca paśla taho, jak zbornaja Słavienii pa skačkach z tramplina zavajavała załaty miedal u źmiašanych kamandnych spabornictvach. Sam Ihar Miedvied — słavieniec, a tamu dla jaho hetaja pieramoha nie była čužoj. Trenier patłumačyŭ:
«Paśla spabornictvaŭ mianie zaprasili na śviatkavańnie załatoha miedala Słavienii. Ja ničoha nie jeŭ, i ałkahol zrabiŭ svaju spravu».
Miedvied padkreśliŭ, što, niahledziačy na svoj učynak, jon hanarycca svajoj kamandaj i pracaj, praviedzienaj u Finlandyi za apošnija dva hady. Taksama adznačyŭ, što choča dazvolić spartsmienam spakojna pracavać i minimizavać škodu, jakuju jon nanios.
Iharu Miedviedu 44 hady, jon były słavienski skakun z tramplina, a hałoŭnym trenieram zbornaj Finlandyi pracuje z 2024 hoda.
Paśla šaści dzion spabornictvaŭ na Alimpijadzie ŭ skačkach z tramplina razyhranyja ŭžo try z šaści kamplektaŭ miedaloŭ, i finskija «latučyja łyžniki», u adroźnieńnie ad słavienskich, pakul nie zavajavali nivodnaj uznaharody. U tych złaščasnych dla Miedvieda źmiašanych kamandnych spabornictvach finy zastalisia na 6‑j pazicyi z 12‑ci kamandaŭ, a ŭ indyvidualnych spabornictvach najlepšy pakul vynik — 14‑ie miesca Vilcha Pałasaary ŭ mužčynskich skačkach z narmalnaha tramplina.
MAK trapiŭ pad ahoń krytyki za prodaž futbołak ź simvolikaj Alimpijskich hulniaŭ, praviedzienych Hitleram
Preziervatyvaŭ, nazapašanych dla spartsmienaŭ na Alimpijadzie ŭ Italii, chapiła na try dni
Sturła Cholm Lehrejd vybačyŭsia pierad byłoj dziaŭčynaj za apovied pra zdradu
Italjanskaja harnałyžnica stała alimpijskaj čempijonkaj, mienš čym za hod adnaviŭšysia paśla ciažkaha pierałomu
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary
Pir u čas čumy...