«Napieradzie — doŭhi šlach». Harnałyžnica Lindsi Von pieraniesła try apieracyi paśla padzieńnia na Alimpijadzie, joj treba jašče minimum dźvie
Harnałyžnica Lindsi Von, jakaja ŭpała ŭ samym pačatku trasy na Alimpijskich hulniach ŭ Italii ŭ minułuju subotu, siońnia čakaje čarhovaja — čaćviortaja — apieracyja na nazie. Paśla hetaha, spadziajecca spartoŭka, jana zmoža viarnucca ŭ ZŠA, dzie jaje čakaje jašče jak minimum adna apieracyja, piša Bi-bi-si.
«Heta byli davoli niaprostyja dni ŭ špitali. Ale ja narešcie adčuvaju siabie ŭ bolšaj stupieni samoj saboj. Napieradzie — doŭhi šlach», — skazała Lindsi Von u zvarocie da fanataŭ u instahramie ŭ piatnicu, 13 lutaha.
«Zaŭtra mianie čakaje jašče adna apieracyja, i kali ŭsio projdzie dobra, spadziajusia, ja zmahu vypisacca i źjechać dadomu, dzie mianie čakaje jašče adna apieracyja. Ja pakul jašče nie viedaju, što ŭsio heta aznačaje, my čakajem bolš jakasnych zdymkaŭ, ale situacyja takaja», — dadała Von.
41‑hadovaja harnałyžnica była špitalizavana ŭ špital u Treviza na poŭnačy Italii paśla padzieńnia ŭ samym pačatku trasy pa chutkasnym spusku ŭ druhi dzień Alimpijady. Joj dyjahnastavali składany pierałom vialikaj halonačnaj kości (holeni).
U sieradu, 11 lutaha, Von u instahramie raskazała ab paśpiachova pieraniesienaj treciaj apieracyi. «Pośpiech siońnia vyhladaje zusim inakš, čym jašče niekalki dzion tamu», — zaŭvažyła jana.
U svaich paviedamleńniach harnałyžnica padziakavała miedycynskamu piersanału, siabram, siamji i ŭsim, chto dasyłaje joj kvietki, listy i miakkija cacki (uklučajučy plušavuju akułu).
U adkaz hałoŭny chirurh-artapied špitala ŭ Treviza Stefana Dzanareła ŭ intervju miascovaj haziecie Corriere del Veneto nazvaŭ Von «uzornaj pacyjentkaj».
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary