Kampanija «BiełDžy» rychtujecca da druhoj čarhi budaŭnictva zavoda pa vytvorčaści lehkavych aŭtamabilaŭ.
Prajekt budzie realizavany na terytoryi dziejučaha pradpryjemstva ŭ Barysaŭskim rajonie, niedaloka ad ahraharadka Pierasady (trasa R-53, 35‑y kiłamietr), paviedamlaje «Točka».
Zhodna z dakumientacyjaj, apublikavanaj na partale dziaržzakupak, raboty aceńvajucca prykładna ŭ 90 młn rubloŭ z ulikam padatku na dabaŭlenuju vartaść. Płošča novych abjektaŭ pieravysić 30 tys. m².
Start rabot namiečany adrazu paśla padpisańnia damovy, a zaviaršyć budaŭnictva źbirajucca za 18 miesiacaŭ.
Prajekt druhoj čarhi praduhledžvaje nie tolki ŭźviadzieńnie novych karpusoŭ, ale i maštabnuju madernizacyju isnujučych mahutnaściej. Na pradpryjemstvie źjavicca novy cech štampoŭki.
Taksama rekanstrujujuć cechi zvarki i zborki, abnoviać enierhietyčnuju stancyju.
Akramia vytvorčych budynkaŭ, na terytoryi prakładuć novyja inžyniernyja sietki: vadapravod, kanalizacyju, ciepłatrasy i hazapravod. Taksama ŭładkujuć vonkavaje aśviatleńnie i darohi. Płanujecca, što asnoŭnaje technałahičnaje abstalavańnie dla vytvorčaści budzie pastaŭlać i mantavać sam zakazčyk.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary