Vienhryja spynić tranzit važnych dla Ukrainy pastavak, pakul taja znoŭ nie zapuścić naftapravod «Družba»
«My spynili pastaŭki bienzinu va Ukrainu, nie budziem pastaŭlać i dyzielnaje paliva», — skazaŭ Viktar Orban.
Vienhryja spynić tranzit važnych dla Ukraina pastavak, pakul taja znoŭ nie zapuścić naftapravod «Družba». Pra heta zajaviŭ premjer-ministr Vienhryja Viktar Orban na radyjo, piša RBK.
«My spynili pastaŭki bienzinu va Ukrainu, nie budziem pastaŭlać i dyzielnaje paliva, ale praciahniem pastaŭlać elektraenierhiju, a taksama prypynim važnyja dla Ukrainy pastaŭki praź Vienhryju, pakul Ukraina nie pahodzicca pastaŭlać naftu», — skazaŭ jon.
Orban pryznaŭsia, što jamu nie spadabałasia pahroza, vykazanaja prezidentam Ukrainy Uładzimiram Zialenskim napiaredadni. Toj zajaviŭ, što pieradaść ukrainskim vajskoŭcam adras taho, chto błakuje kredyt Kijevu ad ES (hetym na minułym tydni zajmałasia Vienhryja). Pavodle słoŭ Orbana, błakirujučy pastaŭki nafty z Rasii, Kijeŭ ździajśniaje «dziaržaŭny bandytyzm».
«Nam treba razumieć, pra kaho my havorym. Va Ukrainy jość patrabavańni da Vienhryi, my ich nie vykonvajem i nie budziem vykonvać u budučyni. <…> My nie budziem vykonvać patrabavańni ab spynieńni pastavak rasijskich enierharesursaŭ, finansavańni vojnaŭ inšych krain i dopusku jaje ŭ Jeŭrapiejski sajuz», — padkreśliŭ Viktar Orban.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha6
Kamientary