«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny
U staličnym mikrarajonie Lebiadziny płanujuć pabudavać internat. Niekatoryja žychary nie rady hetaj pierśpiektyvie — jany kuplali žyllo za niemałyja hrošy, bo rajon prezientavaŭsia elitnym, i ciapier pieražyvajuć, što sadki i škoły buduć pierapoŭnienyja i budaŭnictva zakranie zialonuju zonu.
Žurnalistka dziaržaŭnaha ahienctva «Minsk-Naviny» Viktoryja Kiryčenka aburyłasia pavodzinami žycharoŭ rajona.
«Prablema budaŭnictva internata — tolki prablema pachisnuŭšahasia eha elit Lebiadzinaha, jakim para spuścicca ź niabiosaŭ na ziamlu i zirnuć na situacyju vačyma čałavieka», — prakamientavała jana ŭ videa.
Dałučyŭsia i prapahandyst Ryhor Azaronak. Praŭda, jak śled nie razabraŭšysia ŭ situacyi, spačatku zbłytaŭ Lebiadziny z Novaj Baravoj.
«Jany skučvalisia. Im padabajecca žyć asobna. Za šłahbaumami i płatami. U ich tam «usie svaje». Elitka. Mažorstva. Załaty fond. Svaje dastaŭki, svaje parkoŭki, svaje sałony, svajo, elitnaje, samavitaje, z basiejnami na dachu, śmietankovaje ščaście.
I raptam jany aburylisia. Zavyli. Zabrachali. Śvińni zarochkali. Bačycie ci što — im tam internat pabudujuć. Z «plebsam». Heta značyć z nastaŭnikami, daktarami, studentami», — napisaŭ Azaronak u svaim kanale.
«Samaje brudnaje — heta vyćcio z toj nahody, što, bačycie, internat budzie zasłaniać krajavid, vid na pryrodnaje charastvo. Voś vyjduć dva hiei i Pierlin sa šklanačkaj viskara palubavacca pryhažościu pryrody, a tut kucharka smažyć viačeru! Jak takoje možna tryvać!» — razyšoŭsia prapahandyst.
«I aburajucca ž, pačvary, i pišuć u čacikach, i majuć nachabstva vykankamy dajmać.
Biez vady, vidać, daŭno nie siadzieli, padonki. Ja b im adklučyŭ. A kali chočuć sabie «hieta», to možna pasialić ich usich u asobny «demharadok», — dadaŭ Azaronak (biez vady zastałasia jakraz Novaja Baravaja, a nie Lebiadziny, dyj viadučy Jaŭhien Pierlin žyvie ŭ Novaj Baravoj).
Adznačym, što ŭ rajonie Lebiadziny kvatery majuć taksama pres-sakratarka Łukašenki Natalla Ejsmant i były chakieist, a ciapier sienatar Dźmitryj Baskaŭ.
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajskovyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich16
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1717
Kamientary