Skandał u futbole: praz dva miesiacy ŭ Sieniehała zabrali tytuł pieramožcy Kubka Afryki
Vyniki Kubka Afryki pa futbole byli pierahledžanyja praz dva miesiacy paśla takoha ž skandalnaha finału. Sieniehału prysudzili techničnuju parazu 0:3 za sychod z pola, pieramožcam abvieščana zbornaja Maroka.
Kanfiederacyja afrykanskaha futboła abviaściła, što zadavalniaje apielacyju Maroka i prysudžaje zbornaj Sieniehała techničnuju parazu ź likam 0:3 za sychod z pola paśla pienalci, pryznačanaha za foł na Braimie Dyjasie na 98‑j chvilinie, piša Sports.ru.
Turnir prajšoŭ u Maroka, a finał adbyŭsia 18 studzienia. Finalnaja hulnia adnaviłasia tolki praz 13 chvilin — Braim nie realizavaŭ pienalci — i zaviaršyłasia pieramohaj sieniehalcaŭ (1:0).
Učora Kanfiederacyja afrykanskaha futboła niečakana abviaściła, što anulavała vynik skandalnaha finału Kubka Afryki. Pieramohu prysudzili Maroka. KAF abviaściła, što zadavalniaje apielacyju Maroka — i zaličvaje sieniehalcam techničnaje paražeńnie 0:3 za toje, što samavolna pakinuli pole. Spasyłajucca na punkt 82 praviłaŭ turniru.
Tam napisana: «Kali ź jakoj-niebudź pryčyny kamanda admaŭlajecca ad spabornictva, nie źjaŭlajecca na matč, admaŭlajecca hulać abo pakidaje pole da zakančeńnia matča biez dazvołu sudździ, jana ličycca prajhraŭšaj i pavinna być vyklučana z turniru».
Vidavočna, što marakanskaj začepkaj stała detal pra sychod z pola — i heta spracavała. U 84‑m punkcie havorycca, što parušeńnie 82‑ha viadzie da techničnaj parazy. Apielacyjnaja kamisija vyrašyła, što ličycca, što Sieniehał prajhraŭ finał.
Na pieršym dyscyplinarnym słuchańni CAF nakłała štrafy na sumu bolš za miljon dalaraŭ, byli dyskvalifikacyi hulcoŭ i aficyjnych asob Sieniehała i Maroka — ale vynik tady pakinuli bieź źmienaŭ. CAF paćvierdziła, što apielacyja marakancaŭ «pryznana prymalnaj pa formie i zadavolena».
Spravu mohuć pieradać na dalejšy razhlad u Spartyŭny arbitražny sud. Mahčyma, Sieniehał hetaha tak nie pakinie i praciahnie baraćbu ŭ sudzie.
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć34
Kamientary