Скандал у футболе: праз два месяцы ў Сенегала забралі тытул пераможцы Кубка Афрыкі
Вынікі Кубка Афрыкі па футболе былі перагледжаныя праз два месяцы пасля такога ж скандальнага фіналу. Сенегалу прысудзілі тэхнічную паразу 0:3 за сыход з поля, пераможцам абвешчана зборная Марока.
Канфедэрацыя афрыканскага футбола абвясціла, што задавальняе апеляцыю Марока і прысуджае зборнай Сенегала тэхнічную паразу з лікам 0:3 за сыход з поля пасля пенальці, прызначанага за фол на Браіме Дыясе на 98‑й хвіліне, піша Sports.ru.
Турнір прайшоў у Марока, а фінал адбыўся 18 студзеня. Фінальная гульня аднавілася толькі праз 13 хвілін — Браім не рэалізаваў пенальці — і завяршылася перамогай сенегальцаў (1:0).
Учора Канфедэрацыя афрыканскага футбола нечакана абвясціла, што анулявала вынік скандальнага фіналу Кубка Афрыкі. Перамогу прысудзілі Марока. КАФ абвясціла, што задавальняе апеляцыю Марока — і залічвае сенегальцам тэхнічнае паражэнне 0:3 за тое, што самавольна пакінулі поле. Спасылаюцца на пункт 82 правілаў турніру.
Там напісана: «Калі з якой-небудзь прычыны каманда адмаўляецца ад спаборніцтва, не з’яўляецца на матч, адмаўляецца гуляць або пакідае поле да заканчэння матча без дазволу суддзі, яна лічыцца прайграўшай і павінна быць выключана з турніру».
Відавочна, што мараканскай зачэпкай стала дэталь пра сыход з поля — і гэта спрацавала. У 84‑м пункце гаворыцца, што парушэнне 82‑га вядзе да тэхнічнай паразы. Апеляцыйная камісія вырашыла, што лічыцца, што Сенегал прайграў фінал.
На першым дысцыплінарным слуханні CAF наклала штрафы на суму больш за мільён даляраў, былі дыскваліфікацыі гульцоў і афіцыйных асоб Сенегала і Марока — але вынік тады пакінулі без зменаў. CAF пацвердзіла, што апеляцыя мараканцаў «прызнана прымальнай па форме і задаволена».
Справу могуць перадаць на далейшы разгляд у Спартыўны арбітражны суд. Магчыма, Сенегал гэтага так не пакіне і працягне барацьбу ў судзе.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары