Troje palitviaźniaŭ, vyzvalenych u čaćvier, pierajechali ź Litvy ŭ Polšču
Troje palityčnych źniavolenych z 15 departavanych na terytoryju Litvy prybyli ŭ Varšavu dla dalejšaj lehalizacyi na terytoryi Polščy, paviedamiŭ Abjadnany pierachodny kabiniet.
Spryjańnie hetamu rašeńniu polskaha boku ažyćciaŭlaŭ namieśnik kiraŭnicy APK Pavieł Łatuška, ź litoŭskim bokam uzhadnieńnie pravodzili pradstaŭnica pa sacyjalnaj palitycy Volha Zazulinskaja i dypłamatyčny savietnik Ofisa Śviatłany Cichanoŭskaj Dzianis Kučynski.
«Ja ŭdziačny Ministerstvu zamiežnych spraŭ, Ministerstvu ŭnutranych spraŭ, hałoŭnamu kamiendantu Pahraničnaj słužby Polščy za siońniašniuju pradmietnuju apieratyŭnuju kamunikacyju i efiektyŭnyja rabočyja kantakty, što pryviało da pryniaćcia ŭ paradku vyklučeńnia stanoŭčaha administracyjnaha rašeńnia ab mahčymaści ŭjezdu na terytoryju Polščy z terytoryi Litvy troch vyzvalenych palitviaźniaŭ. Jany nie mieli dakumientaŭ, pakolki byli departavanyja ŭ Litvu biez paśviedčańniaŭ asoby. Taksama vykazvaju ŭdziačnaść za dapamohu litoŭskamu «Frydam Chaŭs» i Centru biełaruskaj salidarnaści. Nastupnym krokam, my budziem akazvać dapamohu vyzvalenym biełarusam u padačy dakumientaŭ na mižnarodnuju abaronu na terytoryi Polščy», — adznačyŭ Pavieł Łatuška.
Proźviščy palitźniavolenych nie nazyvajucca.
Kamientary