Kiraŭnik kampanii Majkł O’Liry zajaviŭ, što letam avijakampanija moža sutyknucca ź pierabojami ŭ pastaŭkach avijakierasinu i ŭ takim vypadku budzie vymušana razhladać admienu častki rejsaŭ abo skaračeńnie prahramy palotaŭ.
Pavodle jaho słoŭ, hałoŭnaja prablema ciapier nie stolki ŭ canie paliva, kolki ŭ tym, ci ŭdasca ŭvohule dastavić jaho ŭ Jeŭropu na fonie kanfliktu vakoł Irana i zbojaŭ u rajonie Armuzskaha pralivu. Reuters piša, što pieravozčyk užo sočyć za situacyjaj razam z pastaŭščykami amal štodnia.
O'Liry adznačaje, što ryzyka moža prajavicca ŭžo ŭ červieni, a najbolš uraźlivaj vyhladaje brytanskaja i jeŭrapiejskaja łahistyka, zaviazanaja ŭ tym liku na pastaŭki z Kuviejta. Pry hetym Ryanair pakul nie abviaščaŭ pra pavyšeńnie cen mienavita z-za kanfliktu, chacia raniej kampanija i tak čakała rost koštaŭ na bilety na 3—4% u hadavym vyražeńni.
Reuters taksama adznačaje, što pieršyja prykmiety deficytu paliva ŭžo bačnyja ŭ Azii: tam niekatoryja avijakampanii pačali abmiažoŭvać abo admianiać rejsy.
Kamientary