Asnoŭnaja placoŭka dla budaŭnictva šmatkvaternych damoŭ u Leninskim rajonie — mikrarajony Łošycy. Pra heta Minsk-Navinam paviedamiŭ kiraŭnik administracyi rajona Raman Mielnik.
— Tak, u Łošycy-9 zdadzieny apošni abjekt žyllovaha budaŭnictva (dom № 14 pa hienpłanie). Łošycu-10 papoŭniać šeść damoŭ, u pryvatnaści pieršy ź ich płanujem uvieści ŭ ekspłuatacyju ŭ červieni, dva damy znachodziacca ŭ pracesie budaŭnictva, i naprykancy hoda pačniom uźviadzieńnie jašče adnaho. Dźvie novabudoŭli raźmieścim na miescy niedabudavanaha parkinha kala vuł. Łučyny ŭ Łošycy-8, pačatak budaŭnictva — čaćviorty kvartał 2026 hoda, — padzialiŭsia padrabiaznaściami Raman Mielnik.
Maštabnaja zabudova čakaje Łošycu-5: źjaviacca 20 žyłych damoŭ, dziciačyja sady na 190 i na 230 miescaŭ, škoła i paliklinika dla darosłych. Asvojvać mikrarajon pačnuć užo ŭ druhim kvartale.
Akramia taho, u płanach — uźviadzieńnie adnaho žyłoha doma na vuł. Strałkovaj i piaci — na vuł. Rybałki.
— Biezumoŭna, prymajem miery, kab nie dapuścić ciažkaściaŭ ź infrastrukturnymi i sacyjalnymi abjektami. U pryvatnaści, u 2021 hodzie ŭ Łošycy-9 adkryłasia siaredniaja škoła № 224 na 1 020 navučencaŭ. U kastryčniku 2025‑ha adčyniła dźviery dziciačaja paliklinika ŭ mikrarajonie Łošyca-9, raźličanaja na 480 naviedvańniaŭ u dzień, — nahadaŭ kiraŭnik rajonnaj administracyi.
Kamientary
(jon budučy architektar, i jamu treba sprajektavać škołu)
mam, ja nie mahu prydumać lepšaj škoły, akrom toj, što ŭ mianie była