Piaskoŭ: Pucin sustreniecca ź Zialenskim tolki dla «finalizacyi damoŭlenaściaŭ»
Pres-sakratar prezidenta Rasii Dźmitryj Piaskoŭ zajaviŭ, što Uładzimir Pucin, maŭlaŭ, hatovy sustrecca z Uładzimiram Zialenskim, ale tolki na samym zaklučnym etapie pieramoŭ.
«Hałoŭnaje — meta sustrečy. Dla čaho sustrakacca? Pucin kazaŭ, što jon hatovy sustrecca ŭ Maskvie ŭ luby momant. Hałoŭnaje, kab było dziela čaho sustrakacca, i hałoŭnaje, kab sustreča była vynikovaj, i jana moža być tolki dla taho, kab finalizavać damoŭlenaści», — adznačyŭ Dźmitryj Piaskoŭ.
Raniej stała viadoma, što Ukraina źviarnułasia da Turcyi z prośbaj pasadziejničać u arhanizacyi takoj sustrečy:
«My źviarnulisia da tureckaha boku naŭprost, — zajaviŭ žurnalistam u Kijevie ministr zamiežnych spraŭ Andrej Sibiha.— Ale, kali takuju sustreču arhanizuje jakaja-niebudź inšaja stalica — akramia Maskvy i Biełarusi — my voźmiem u joj udzieł».
Kamientary