Mužčyna ź invalidnaściu nie moh znajści pracu ŭ vioscy — u Threads vypravili situacyju za paru dzion
Žančyna raskazała ŭ Threads pra viaskoŭca ź invalidnaściu, jaki nie moža znajści pracu. Biełarusy vyrašyli prablemu — ciapier u mužčyny jość i praca, i hrošy na pieršy čas.
Karystalnica pad nikam marisemashko apublikavała videa ź Mikałajem, 41‑hadovym žycharom vioski Dukora, što ŭ Minskaj vobłaści. Praz nastupstvy čerapna-mazhavoj traŭmy Mikałaj maje treciuju hrupu invalidnaści.
Jak šmat chto ź biełarusaŭ, z takim statusam mužčyna doŭha nie moh znajści pracu — daviałosia vyžyvać na piensiju pamieram kala 500 rubloŭ. Pry hetym, pavodle słovaŭ aŭtarki videa, Mikałaj hatovy pracavać:
«Čałaviek niepituščy, choča pracavać. Zrazumieła, u minułym i na ŭliku trochi stajaŭ. Ciapier Kola nie pje, razumieje, što jamu nielha, i heta ŭžo treci hod. Ale jaho navat dvornikam nidzie nie biaruć. Jon žyvie ŭ staroj baćkoŭskaj chacie».
Traŭma Mikałaja pakinuła nastupstvy — mužčyna maje nievialikija prablemy z maŭleńniem i ŭ jaho trochi horš pracuje adna ruka. Mikałaj stajaŭ na ŭliku pa pracaŭładkavańni, ale nijakaj karyści heta nie dało.
Post žančyny atrymaŭ sotni kamientaroŭ. Prapanoŭvali roznyja varyjanty — ad zvarotu ŭ miascovuju carkvu da pierajezdu ŭ Padmaskoŭje i pracy dvornikam u tamtejšym Nara-Faminsku.
Ale atrymałasia vyrašyć pytańnie praściej. Ciapier u Mikałaja jość praca ŭ miascovym muziejnym kompleksie z ahrasiadzibaj:
«Dziakujučy vam, usim nieabyjakavym ludziam, mnie napisali z «Dukorskaha majontka». Kolu biaruć na pracu prosta ŭ Dukory, jamu pieššu da pracy, i zarobak dla jaho vielmi dastojny».
Aŭtarka pasta ŭdakładniła ŭ kamientarach, što Mikałaj budzie prybirać terytoryju kompleksu, to-bok dla jaho znajšli vakansiju dvornika. Taksama karystalnica napisała, što Mikałaju pieradali materyjalnuju dapamohu — praŭda, nie ŭdakładniła, kamu za heta dziakavać.
«Naša Niva» — bastyjon biełaruščyny
PADTRYMAĆAd rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES
Rektar EHU pra ekstremiscki status univiersiteta: «Samy składany etap z 2004 hoda»
Kiraŭnika ivent-ahienctva «Tera Hrup» aryštavali za «zdradu dziaržavie» — Jaraševič nibyta šukaŭ infarmacyju pra navapołackuju kałoniju
Chto takaja Alesia Parchomienka z Kipra, jakaja raźviazała biełaruska-biełaruskuju vajnu88
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary
Rasstrelvać ci vysialać u čarnobylskuju zonu ..
Taki adkaz kamient žadali pačuć?