Мужчына з інваліднасцю не мог знайсці працу ў вёсцы — у Threads выправілі сітуацыю за пару дзён
Жанчына расказала ў Threads пра вяскоўца з інваліднасцю, які не можа знайсці працу. Беларусы вырашылі праблему — цяпер у мужчыны ёсць і праца, і грошы на першы час.
Карыстальніца пад нікам marisemashko апублікавала відэа з Мікалаем, 41‑гадовым жыхаром вёскі Дукора, што ў Мінскай вобласці. Праз наступствы чэрапна-мазгавой траўмы Мікалай мае трэцюю групу інваліднасці.
Як шмат хто з беларусаў, з такім статусам мужчына доўга не мог знайсці працу — давялося выжываць на пенсію памерам каля 500 рублёў. Пры гэтым, паводле словаў аўтаркі відэа, Мікалай гатовы працаваць:
«Чалавек непітушчы, хоча працаваць. Зразумела, у мінулым і на ўліку трохі стаяў. Цяпер Коля не п’е, разумее, што яму нельга, і гэта ўжо трэці год. Але яго нават дворнікам нідзе не бяруць. Ён жыве ў старой бацькоўскай хаце».
Траўма Мікалая пакінула наступствы — мужчына мае невялікія праблемы з маўленнем і ў яго трохі горш працуе адна рука. Мікалай стаяў на ўліку па працаўладкаванні, але ніякай карысці гэта не дало.
Пост жанчыны атрымаў сотні каментароў. Прапаноўвалі розныя варыянты — ад звароту ў мясцовую царкву да пераезду ў Падмаскоўе і працы дворнікам у тамтэйшым Нара-Фамінску.
Але атрымалася вырашыць пытанне прасцей. Цяпер у Мікалая ёсць праца ў мясцовым музейным комплексе з аграсядзібай:
«Дзякуючы вам, усім неабыякавым людзям, мне напісалі з «Дукорскага маёнтка». Колю бяруць на працу проста ў Дукоры, яму пешшу да працы, і заробак для яго вельмі дастойны».
Аўтарка паста ўдакладніла ў каментарах, што Мікалай будзе прыбіраць тэрыторыю комплексу, то-бок для яго знайшлі вакансію дворніка. Таксама карыстальніца напісала, што Мікалаю перадалі матэрыяльную дапамогу — праўда, не ўдакладніла, каму за гэта дзякаваць.
«Наша Нiва» — бастыён беларушчыны
ПАДТРЫМАЦЬАд рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС
Рэктар ЕГУ пра экстрэмісцкі статус універсітэта: «Самы складаны этап з 2004 года»
Кіраўніка івэнт-агенцтва «Тэра Груп» арыштавалі за «здраду дзяржаве» — Ярашэвіч нібыта шукаў інфармацыю пра наваполацкую калонію
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5656
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ56
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары
Расстрэльваць ці высяляць у чарнобыльскую зону ..
Такі адказ камент жадалі пачуць?