Prezident Kuby zajaviŭ, što mahčymy vajenny napad ZŠA na krainu pryviadzie da kryvavaj bojni ź niepradkazalnymi nastupstvami
Mihiel Dyjas-Kaniel adznačyŭ, što vostraŭ nie ŭjaŭlaje pahrozy dla ZŠA i nie maje ahresiŭnych namieraŭ u adnosinach da jakoj-niebudź krainy. U toj ža čas jon padkreśliŭ, što Kuba maje zakonnaje prava abaraniacca ad źniešniaj ahresii, piša CNN.
«Kuba nie ŭjaŭlaje nijakaj pahrozy, a taksama nie maje ahresiŭnych płanaŭ ci namieraŭ adnosna luboj krainy. Niama ich i adnosna ZŠA, i nikoli nie było, pra što ŭradu hetaj dziaržavy dobra viadoma», — skazaŭ jon.
Kubinski lidar taksama zajaviŭ, što Kuba «ŭžo pakutuje ad šmatmiernaj ahresii z boku ZŠA», i padkreśliŭ, što heta «nie moža ni łahična, ni sumlenna vykarystoŭvacca jak padstava dla raźviazvańnia vajny suprać vysakarodnaha kubinskaha naroda».
Ministr zamiežnych spraŭ krainy Bruna Radryhies Parylja dadaŭ, što administracyja Trampa dzień za dniom fabrykuje spravu, kab apraŭdać biaźlitasnuju ekanamičnuju vajnu suprać kubinskaha naroda i mahčymuju vajennuju ahresiju.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?2
Kamientary