Ukraina z pačatku vajny naniesła bolš za 150 udaraŭ pa rasijskich NPZ
U hetym hodzie — 33, u minułym — 88.
Uzbrojenyja siły Ukrainy z pačatku vajny atakavali rasijskija naftapierapracoŭčyja zavody jak minimum 158 razoŭ. Pad udary trapili 24 z 33 pradpryjemstvaŭ mahutnaściu ad 1 młn ton nafty ŭ hod, padličyła vydańnie «Vot Tak».
Kali ŭ pieršy hod vajny ataki na NPZ nie ździajśnialisia, to ŭ 2023 hodzie ich było 4, u 2024‑m — 34, a ŭ 2025‑m — užo 88. Za niapoŭnyja piać miesiacaŭ hetaha hoda ŭkrainskija drony nanosili ŭdary pa naftapierapracoŭčych zavodach 33 razy. Heta bolš, čym za anałahičny pieryjad 2025 hoda (24 ataki).
Najčaściej USU nanosiać udary pa Razanskim i Sarataŭskim NPZ — kožny ź ich atakavali pa 15 razoŭ z pačatku vajny.
Abodva pradpryjemstvy ŭvachodziać u lik najbujniejšych naftapierapracoŭčych zavodaŭ u jeŭrapiejskaj častcy Rasii. Tak, Razanski NPZ pierapracoŭvaje kala 17 młn ton nafty ŭ hod — heta treci pakazčyk pa mahutnaści ŭ krainie paśla Omskaha i Kiryšskaha. Sarataŭski, u svaju čarhu, vyrablaje kala 7 młn ton nafty ŭ hod.
Taksama rehularna traplajuć pad udary Afipski, Ilski Tuapsinski, jakija raźmieščanyja ŭ Krasnadarskim krai. Pa kožnym ź ich zafiksavana pa 12 udaraŭ. Abjomy na hetych zavodach supastaŭnyja z Sarataŭskim — kala 7—9 młn ton nafty ŭ hod.
Ciapier čytajuć
Telegram vydaliŭ svoj aficyjny biełaruski kanał — vierahodna, kab nie padstaŭlać ludziej. Ale mnohija paśpieli padstavicca7
Kamientary