Prezident ZŠA važyć 108 kiłahramaŭ. Za hod Tramp nabraŭ šeść z pałovaj kiłahram.
Prezident ZŠA Donald Tramp znachodzicca ŭ «vydatnym stanie zdaroŭja», adnak važyć trochi bolš za normu, zajaviŭ jaho asabisty doktar Šon Barbabeła paśla čarhovaha miedycynskaha abśledavańnia, piša Bild.
Pavodle słoŭ miedyka, abśledavany palityk «poŭnaściu zdolny vykonvać usie abaviazki viarchoŭnaha hałoŭnakamandujučaha i kiraŭnika dziaržavy». Tym nie mienš, doktar u metach prafiłaktyki rekamiendavaŭ Trampu «pavialičyć fizičnuju aktyŭnaść, a taksama źnizić vahu».
Vierahodna, pryčyna ŭ dobra viadomych hastranamičnych pieravahach Trampa — hamburhiery i dyjetyčnaja koła.
Padčas kansultacyi prezident atrymaŭ «rekamiendacyi pa charčavańni i paradu prymać aśpiryn u nizkich dozach», paviedamiŭ Barbabeła.
Zhodna z apublikavanym dakładam, zaraz vaha prezidenta składaje 108 kiłahramaŭ. Trochu bolš za hod tamu jaho vaha była 101,6 kiłahrama.
Adrazu paśla abśledavańnia ŭ aŭtorak Tramp zajaviŭ, što ŭsio prajšło «idealna».
Jon — samy stary prezident, jaki kali-niebudź ustupaŭ na hetuju pasadu ŭ ZŠA. 14 červienia Trampu spoŭnicca 80 hadoŭ, i ŭ ŚMI rehularna ŭźnikajuć śpiekulacyi ab stanie jaho zdaroŭja.
Kamientary