Biełarusaŭ, zatrymanych u miežach rasśledavańnia zabojstva ŭ Biełaj-Padlašskaj Siamiona Skrapieckaha, adpuścili
Hramadzian Biełarusi, zatrymanych u ramkach rasśledavańnia zabojstva rasijskaha mastaka Siamiona Skrapieckaha ŭ Biełaj-Padlašskaj, adpuścili. Pra heta paviedamiŭ pradstaŭnik akruhovaj prakuratury Marcin Kozak, piša Reform.news.
«Mahu paviedamić vam, što dvoje hramadzian Respubliki Biełaruś, zatrymanych pa hetaj spravie, byli vyzvalenyja. Ich dačynieńnie da hetaj padziei, jakaja była pradmietam vielmi intensiŭnaha rasśledavańnia, nie było paćvierdžana. Vyśvietliłasia, što jany nie majuć dačynieńnia da hetaha rasśledavańnia i nie majuć dačynieńnia da hetaj spravy. Tamu, dapytanyja ŭ jakaści śviedak, jany byli vyzvalenyja i bolš nie znachodziacca pad vartaj pa hetaj spravie», — skazaŭ jon.
Pa jaho słovach, u śledstva jość niekalki viersij, adnak pradstaŭnik prakuratury admoviŭsia ich raskryvać.
«U miežach rasśledavańnia my sabrali ŭ nieabchodnym abjomie šyrokija dokazy. Hetyja dokazy pastajanna analizujucca. My źbirajem usiu dastupnuju infarmacyju, analizujem ličbavyja materyjały, zapisy z kamier videanazirańnia i vyvučajem pakazańni śviedak», — skazaŭ jon.
Padazravany pakul nie ŭstanoŭleny i nie zatrymany.
U zabitaha ŭ Biełaj-Padlašskaj mastaka Skrapieckaha zastałosia piaciora dziaciej, a ŭdava ciažarnaja šostym
Polskaja palicyja padčas rasśledavańnia zabojstva rasijskaha mastaka zatrymała dvuch biełarusaŭ
Jakija karykatury na Łukašenku rabiŭ zabity ŭ Polščy rasijski mastak
Zabity ŭ Polščy rasijski mastak adnu z karcin pradaŭ za $20 tysiač i zadanaciŭ USU. Voś što raskazaŭ jaho znajomy biełarus Bochan
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu40
Kamientary