Polskaja palicyja padčas rasśledavańnia zabojstva rasijskaha mastaka zatrymała dvuch biełarusaŭ
Polskaja prakuratura paviedamiła pra zatrymańnie dvuch biełarusaŭ, 33 i 37 hadoŭ. Ich udzieł u zabojstvie pakul nie paćvierdžany.
Prakuratura Biełaj-Padlašskaj ahučyła aficyjnyja detali rasśledavańnia zabojstva 44‑hadovaha rasijskaha mastaka-karykaturysta Siamiona Skrapieckaha.
Napad adbyŭsia ŭ paniadziełak, 15 červienia, kala 9:45 ranicy na parkoŭcy i tratuary kala doma mastaka pa vulicy Karalevy Jadvihi.
Zabojca zrabiŭ try kantrolnyja streły
Zabojca dziejničaŭ z asablivaj žorstkaściu: spačatku jon dvojčy streliŭ u Skrapieckaha ź pistaleta zzadu, a kali toj upaŭ na ziamlu, padyšoŭ uprytyk i zrabiŭ jašče try kantrolnyja streły, paśla čaho źbieh.
Mastak pamior na miescy.
Ekśpierty naličyli na jaho ciele siem ahniastrelnych ran u vobłaści hałavy, hrudziej i śpiny. Na miescy złačynstva znajšli piać hilzaŭ i kulu kalibru 9 mm.
Adrazu paśla zabojstva ŭ horadzie abviaścili poŭny zbor palicyi i płan pierachopu.
U vyniku kala budynka Konsulstva Respubliki Biełaruś u Biełaj-Padlašskaj palicyjanty zatrymali dvuch hramadzian Biełarusi va ŭzroście 33 i 37 hadoŭ. Ich datyčnaść da zabojstva pakul nie dakazanaja.
Prakuratura pakul ustrymlivajecca ad ahučvańnia kankretnych viersij zabojstva, spasyłajučysia na tajamnicu śledstva.
«Niekalki strełaŭ ź blizkaj adlehłaści i adzin — kab dabić». Polskaja palicyja šukaje zabojcu mastaka Siamiona Skrapieckaha
Jakija karykatury na Łukašenku rabiŭ zabity ŭ Polščy rasijski mastak
Zabity ŭ Polščy rasijski mastak adnu z karcin pradaŭ za $20 tysiač i zadanaciŭ USU. Voś što raskazaŭ jaho znajomy biełarus Bochan
U Biełaj-Padlašskaj siarod biełaha dnia zabili rasijskaha karykaturysta. Jon braŭ udzieł u biełaruskich akcyjach
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks11
Kamientary
V Polšie stało nie biezopasno
Eto nie šutki