U zabitaha ŭ Biełaj-Padlašskaj mastaka Skrapieckaha zastałosia piaciora dziaciej, a ŭdava ciažarnaja šostym

U zabitaha ŭ Biełaj-Padlašskaj mastaka Skrapieckaha zastałosia piaciora dziaciej, a ŭdava ciažarnaja šostym. Pra heta DW paviedamiŭ aktyvist biełaruskaj dyjaspary ŭ horadzie Biełaj-Padlašskaj, jaki pažadaŭ zastacca ananimnym.

Jon paznajomiŭsia z mastakom u 2021 hodzie. Pavodle jaho słoŭ, Siamion Skrapiecki nieadnarazova ŭdzielničaŭ u antyvajennych mitynhach, jakija pravodzili ŭ horadzie biełarusy i ŭkraincy. Surazmoŭca DW apisaŭ Biełuju-Padlašskuju jak spakojny i biaśpiečny horad i ličyć, što Skrapiecki mienavita tamu i abraŭ jaho dla žyćcia.

«Usio na vidu. Ty viedaješ kožnuju mašynu, kožnaha. U jaho piać dziaciej, ciapier šostym žonka ciažarnaja. I tut, u maleńkim horadzie, pražyć vialikaj siamji praściej», — skazaŭ surazmoŭca DW.

Raniej udava mastaka Viktoryja Ivanickaja paviedamiła ŭ sacsietkach, što znachodzicca ź dziećmi ŭ biaśpiecy pad abaronaj śpiecsłužbaŭ Polščy.

Skrapieckaha zastrelili ŭ Biełaj-Padlašskaj ranicaj 15 červienia. Za try dni da hetaha jon pravioŭ akcyju suprać uładaŭ RF kala rasijskaj ambasady ŭ Bierlinie. Siamion Skrapiecki (sapraŭdnaje imia — Robiert Kuzaŭkoŭ) naradziŭsia ŭ Rasii ŭ 1981 hodzie. Da 2021 hoda žyŭ u Ałtajskim krai, zatym, bajučysia palityčnaha pieraśledu, emihravaŭ u Polšču i atrymaŭ tam status mižnarodnaj abarony.

U pieršuju čarhu Skrapiecki byŭ viadomy svaimi palityčnymi karykaturami, u tym liku na Uładzimira Pucina, Ramzana Kadyrava, Alaksieja Navalnaha, Alaksandra Łukašenku. Taksama jon pravodziŭ pratestnyja akcyi ŭ roznych haradach Jeŭropy.

12 červienia mastak padyšoŭ da čarhi na ŭračysty pryjom, trymajučy ŭ rukach karcinu, dzie Iosif Stalin kałychaje prezidenta RF Uładzimira Pucina. Zzadu ŭ štanach mastaka była dzirka, ź jakoj tyrčaŭ i vałoksia pa ziamli rasijski ściah. Paśla Skrapiecki vykinuŭ jaho ŭ śmietnik.

V Polšie zastrielen rośsijskij chudožnik Siemien Skriepieckij. On hovorił, čto jemu uhrožajut "russkije patrioty". 12 ijunia Skriepieckij provieł akciju u posolstva Rośsii v Bierlinie, vybrosiv fłah RF v musornyj bak i pokazav "ikonu" s Putinym na rukach u Stalina https://t.co/SP26zHWMwA pic.twitter.com/JCrzZEdZQJ

— DW na russkom (@dw_russian) June 15, 2026

«Ja dumaju, paśla hetaj akcyi ŭ Bierlinie niechta addaŭ zahad jaho likvidavać», — miarkuje aktyvist biełaruskaj dyjaspary ŭ Biełaj-Padlašskaj Andrej (imia źmieniena).

U apošni raz Andrej bačyŭ mastaka na minułym tydni. U jaho skłałasia ŭražańnie, što toj «aścierahajecca».

Biełaruski mastak-akcyjanist Uład Bochan taksama kantaktavaŭ sa Skrapieckim niezadoŭha da jaho hibieli. Pavodle jaho słoŭ, u apošni čas Skrapiecki asabliva zachapiŭsia vuličnym akcyjanizmam: «My razmaŭlali mienš čym za sutki da zabojstva. Jon abmiarkoŭvaŭ novyja idei, prapanoŭvaŭ niešta zrabić razam — u Varšavie abo ŭ Bierlinie. Byŭ nastrojeny pracavać dalej, budavaŭ płany».

Bochan taksama adznačaje, što pahrozy supravadžali dziejnaść mastaka pastajanna: niadobrazyčliŭcy pisali pad kožnym jaho dopisam.

Jon taksama źviartaje ŭvahu, što z-za krytyčnych publikacyj u adras ukrainskich uładaŭ danyja Skrapieckaha trapili ŭ bazu «Miratvorac», dzie, akramia apisańnia dziejnaści, byli apublikavanyja asabistyja źviestki, uklučajučy jaho adras i akaŭnty.

• 0
• 0
• 0
• 4
• 0
• 10
• 2
• 0