Pry pasiarednictvie ZŠA i Katara, a taksama pry spryjańni Irana, Izrail i livanskaja hrupoŭka «Chiezbała» dasiahnuli pahadnieńnia ab pieramirji, paviedamlaje Reuters sa spasyłkaj na vysokapastaŭlenaha amierykanskaha čynoŭnika.
Pavodle Reuters, režym spynieńnia ahniu ŭžo pačaŭ dziejničać u piatnicu a 16:00 pa miascovym časie. Detali damovy pakul nie raskryvajucca.
Hetaja navina źjaviłasia na fonie čarhovaha vitka eskałacyi: usiaho za niekalki hadzin da abviaščeńnia pieramirja premjer-ministr Izraila Bińjamin Nietańjachu abiacaŭ nanieści «Chiezbale» surjozny ŭdar u adkaz na hibiel čatyroch izrailskich vajskoŭcaŭ padčas načnoj ataki.
Vysokapastaŭlenaja krynica ŭ Izraili zajaviła, što damoŭlenaść nie abmiažoŭvaje dziejańni armii ŭ vypadku ŭźniknieńnia pahroz dla vajskoŭcaŭ i žycharoŭ poŭnačy krainy, a taksama dazvalaje praciahvać źniščeńnie infrastruktury «Chiezbały».
Kamientary