«Aptymalnaj u ofisie ličycca tempieratura ad +23 da +25°C». U Fiederacyi prafsajuzaŭ nahadali pra patrabavańni da ŭmoŭ pracy ŭ pieryjad śpioki
U Biełaruś pryjšła śpioka, siońnia čakajecca da +32, na vychodnych i paniadziełak moža być i ŭsie +37. Pra patrabavańni da ŭmoŭ pracy ŭ pieryjad vysokich tempieratur BiełTA paviedamili ŭ Fiederacyi prafsajuzaŭ Biełarusi.
«Kali dla ofisnych rabotnikaŭ, jakija bolšuju častku pracoŭnaha času pravodziać za kampjutaram, aptymalnaj ličycca tempieratura ad +23 da +25°C, to dla ludziej, zaniatych fizičnaj pracaj, hetyja pakazčyki buduć inšymi. Heta źviazana z tym, što pry aktyŭnaj pracy arhanizm vypracoŭvaje bolš ciapła, tamu ŭmovy pracy pavinny zabiaśpiečvać mahčymaść paźbiehnuć pierahrevu. Razam z tym isnujuć vytvorčaści, dzie zabiaśpiečyć nieabchodny tempieraturny režym abjektyŭna niemahčyma z-za asablivaściej technałahičnaha pracesu. U takich vypadkach asablivaje značeńnie nabyvajuć dadatkovyja miery abarony rabotnikaŭ», — rastłumačyli ŭ pres-słužbie.
Nieabchodna zabiaśpiečyć kandycyjanavańnie pavietra abo pavietranaje dušavańnie pracoŭnych miescaŭ. Taksama rabotniki pavinny być zabiaśpiečany pitnoj vadoj.
Akramia taho, supracoŭnikam pavinny być pradastaŭleny pamiaškańni abo śpiecyjalna abstalavanyja miescy dla adpačynku.
Važnaje značeńnie maje i zabieśpiačeńnie srodkami indyvidualnaj abarony. Naprykład, pry vybary śpiecadzieńnia rekamiendujecca vykarystoŭvać pavietrapranikalnyja i hihraskapičnyja materyjały, jakija dazvalajuć padtrymlivać kamfortny mikraklimat dla arhanizma.
Jašče adnoj mieraj abarony rabotnikaŭ źjaŭlajecca ŭstanaŭleńnie dadatkovych rehłamientavanych pierapynkaŭ dla adpačynku. Ich praciahłaść, paradak pradastaŭleńnia i pieralik adpaviednych rabot pavinny być zamacavany ŭ Praviłach unutranaha pracoŭnaha rasparadku abo ŭ kalektyŭnym dahavory. Pry hetym takija pierapynki pradastaŭlajucca ŭ dadatak da pierapynku dla adpačynku i charčavańnia, a nie zamiest jaho, i ŭklučajucca ŭ pracoŭny čas.
Asablivaja ŭvaha pavinna nadavacca rabotnikam, jakija pracujuć na adkrytym pavietry. Akramia arhanizacyi pitnoha režymu, pradastaŭleńnia śpiecyjalnych pierapynkaŭ i miescaŭ dla adpačynku, najmalnik moža karektavać režym pracy z ulikam umoŭ nadvorja.
Pry mocnaj śpiocy (zvyš +30°C) u asobnych arhanizacyjach moža źmianiacca režym pracoŭnaha dnia.
U FPB nahadali, što paviedamić pra fakty parušeńniaŭ patrabavańniaŭ achovy pracy abo nienaležnyja ŭmovy pracy možna pa adzinym biaspłatnym numary 8 801 100 1111. Śpiecyjalisty mižhalinovaha manitorynhavaha centra FPB pracujuć štodnia z 08:00 da 20:00.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary