Cichanoŭskaja: Kali my nie pazbavimsia hetaha režymu, pahroza z terytoryi Biełarusi budzie zastavacca pastajannaj
Demakratyčnaja lidarka ŭziała ŭdzieł u panelnaj dyskusii ŭ forumie pa biaśpiecy ŭ amierykanskim Aśpienie
Jana ŭziała dzieł u panelnaj dyskusii «Drejf: Jeŭropa ŭ pieryjad pieramien». Razam ź biełaruskaj lidarkaj u razmovie ŭdzielničali hienieralnaja sakratarka Jeŭrapiejskaj słužby źniešnich dziejańniaŭ Bielen Marcinies Karbanel, ministr abarony i źniešniaha handlu Bielhii Tea Frankien, ministr justycyi i biaśpieki Niderłandaŭ David van Veł, paviedamlaje jaje pres-słužba.
U svaim vystupie Śviatłana Cichanoŭskaja adznačyła, što budučynia biaśpieki Jeŭropy nieparyŭna źviazanaja z budučyniaj Biełarusi, i zaklikała hladzieć na Biełaruś nie tolki jak humanitarnaje pytańnie, ale i jak pytańnie biaśpieki. My pavinny ŭžo ciapier hladzieć na Biełaruś pa-inšamu. Usprymać Biełaruś nie tolki jak humanitarny vypadak, ale i z punktu hledžańnia biaśpieki. Bo pakul Łukašenka słužyć Rasii, jon hatovy pradastaŭlać našu terytoryju i našu infrastrukturu dla napadaŭ na Ukrainu i patencyjna — na krainy NATA.
Jany budujuć novuju infrastrukturu, jakoj nie pavinna być, kali kraina nie rychtujecca da eskałacyi. Kali my nie pazbavimsia hetaha režymu, pahroza z terytoryi Biełarusi budzie zastavacca pastajannaj.
Demakratyčnaja i svabodnaja Biełaruś — u intaresach nie tolki biełarusaŭ ci ŭkraincaŭ, ale i jeŭrapiejcaŭ», — zajaviła Śviatłana Cichanoŭskaja.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ78
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary
Dalej tolki dziesiatki słoŭ cisk-cisk i sankcyi - sankcyi.
***
Kolki tam isnuje režym na Kubie, ź Iranu ci Paŭnočnaj Karei pry ŭsialakim cisku i sankcyjach?
Asad ź Siryi ŭciek nie dziakujučy sankcyjam, a dziakujučy ludziam sa zbrojaj. Karnikaŭ sa zbrojaj mohuć pieramahčy tolki ludzi sa zbrojaj.
Ŭsie astatniaje butaforyja. Mifałahičnyja razvažańni pra mifičny kruhły stoł.
Ci naŭmysny tupik pry jakim režym na dziesiacihodździ a ciskunam dziesiacihodździ pialić hrandy. Pakutaje tolki biełaruski narod i dzieci ŭžo vychoŭvajucca biez mahčymaści pabačyć inšy śviet na ŭłasnyja vočy.