Lehiendarnaja vienhierskaja šachmatystka Judzit Połhar admoviłasia ad prapanovy premjer-ministra Pietera Madźjara bałatavacca na pasadu prezidenta krainy, piša Euronews.
Połhar zajaviła, što nie hatovaja ŭziać na siabie adkaznaść za abjadnańnie hramadstva, jakoje zastajecca hłyboka padzielenym. Pra toje, što šachmatystka adchiliła prapanovu premjer-ministra, paviedamiŭ sam Pieter Madźjar.
«Ja nie adčuvaju ŭ sabie sił uziać na siabie histaryčnuju adkaznaść za abjadnańnie padzielenaj nacyi, tamu nie mahu pryniać hetaje zaprašeńnie», — napisała jana ŭ sacyjalnych sietkach, padziakavaŭšy za davier.
Madźjar pryznaŭ, što paśpiašaŭsia z publičnym abviaščeńniem jaje kandydatury, nie dačakaŭšysia kančatkovaha rašeńnia šachmatystki. Niahledziačy na admovu, jon padkreśliŭ, što i nadalej vysoka cenić spartsmienku i spadziajecca na jaje ŭdzieł u raźvićci krainy ŭ inšaj roli.
Judzit Połhar ličycca najmacniejšaj šachmatystkaj u historyi.
Jana adzinaja žančyna, jakoj udałosia ŭvajści ŭ pieršuju dziasiatku suśvietnaha rejtynhu siarod mužčyn, a taksama pieršaj siarod žančyn pieraadoleć miažu ŭ 2700 punktaŭ rejtynhu Elo.
Za svaju karjeru jana pieramahała mnohich najmacniejšych šachmatystaŭ śvietu, u tym liku Hary Kasparava i Barysa Spaskaha.
Kamientary
Łučšie pusť priezidientami budut takije ludi, kak Połhar, kotoryje nie chotiat potieriať rieputaciju, i kotorym jesť kuda ujti s dołžnosti, čiem kołchoźniki.