U Jeŭrasajuzie zatrymali tankier rasijskaha cieniavoha fłotu — užo piaty sioleta
U Jeŭrapiejskim sajuzie paviedamili pra zatrymańnie jašče adnaho tankiera, jaki, pavodle acenki jeŭrapiejskich uładaŭ, źviazany z tak zvanym rasijskim «cieniavym fłotam». Heta ŭžo piataje padobnaje sudna, zatrymanaje sioleta krainami ES i Vialikabrytanijaj.
Jak paviedamiła kiraŭnica jeŭrapiejskaj dypłamatyi Kaja Kałas, tankier MV South Star byŭ spynieny 20 lipienia ŭ ramkach vajskova-marskoj apieracyi IRINI pa padazreńni ŭ parušeńni mižnarodnaha marskoha prava. Pavodle danych sistem adsočvańnia sudnaŭ, tankier chodzić pad ściaham Kamieruna. Paśla pravierki jon znachodziŭsia ŭ zachodniaj častcy Mižziemnaha mora i ruchaŭsia ŭ bok Tunisa.
Najbolš aktyŭna ŭ zatrymańniach sudnaŭ, jakija padazrajucca ŭ abychodzie sankcyj, dziejničaje Francyja. Z pačatku hoda francuzskija ŭłady zatrymali try tankiery. U studzieni byŭ spynieny Grinch, u sakaviku — Deyna, adnak paźniej abodva sudny vyzvalili. Jašče adzin tankier — Tagor — francuzskija vajskova-marskija siły pry padtrymcy Vialikabrytanii zatrymali 31 maja ŭ Atłantyčnym akijanie. Pavodle francuzskaha boku, jon taksama vykarystoŭvaŭ iłžyvy ściah Kamieruna.
Čaćviortym zatrymanym sudnam staŭ tankier Smyrtos, jaki 14 červienia byŭ spynieny brytanskimi marskimi piechacincami ŭ pralivie Ła-Manš. Sudna išło z rasijskaha porta Uść-Łuha pad ściaham Kamieruna i pieravoziła kala 100 tysiač ton nafty hatunku Urals. Košt hruzu aceńvaŭsia prykładna ŭ 35 miljonaŭ funtaŭ sterlinhaŭ. Ułady Vialikabrytanii razhladali mahčymaść prodažu hetaj nafty, a kapitana sudna — hramadzianina Indyi Adžaja Panta — abvinavacili ŭ parušeńni sankcyjnaha režymu.
Apieracyja IRINI pravodzicca ŭ centralnaj častcy Mižziemnaha mora z 2020 hoda. Pieršapačatkova jaje metaj byŭ kantrol za vykanańniem embarha AAN na pastaŭki zbroi ŭ Liviju, a taksama baraćba ź niezakonnym handlem naftaj i kantrabandaj ludziej. Akramia taho, Kaja Kałas paviedamiła, što krainy ES pašyryli paŭnamoctvy jašče adnoj vajskova-marskoj misii — Atalanta, dazvoliŭšy joj pravodzić anałahičnyja pravierki sudnaŭ kala ŭźbiarežža Samali.
Rasijskim «cieniavym fłotam» nazyvajuć sudny, jakija vykarystoŭvajucca dla pieravozki rasijskaj nafty, naftapraduktaŭ i zvadkavanaha pryrodnaha hazu ŭ abychod mižnarodnych sankcyj.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary