U Łatvii prybiaruć darožnyja znaki, jakija ŭkazvajuć na Biełaruś i Rasiju
U Łatvii pryznali nieabaviazkovym zachavańnie darožnych znakaŭ, jakija pakazvajuć kirunak na nasielenyja punkty Rasii i Biełarusi. Ab hetym zajaviŭ ministr suviazi Rychards Kazłaŭskis, piša Delfi. Jon padkreśliŭ, što adpaviedny dakład užo padrychtavany i pieradadzieny na razhlad u Kabiniet ministraŭ.
Kazłaŭskis zaznačyŭ, što Minsuviazi hatovaje da realizacyi hetaha prajekta i čakaje ŭklučeńnia pytańnia ŭ paradak dnia Dziaržkancylaryi.
«Kaniečnie, jość vydatki, ale my hatovyja da hetaha. Na dadzieny momant ja nie baču nieabchodnaści ŭ rekamiendacyjach u hetym kirunku [Biełarusi i Rasii]. Heta nie abaviazkova», — skazaŭ Rychards Kazłaŭskis.
Zamiena znakaŭ budzie adbyvacca pastupova ŭ miežach biahučaha absłuhoŭvańnia i ramontu daroh, pieršačarhova tam, dzie znaki ŭžo sastareli.
Pavodle danych kampanii Latvijas Valsts ceļi, na dziaržaŭnych darohach Łatvii vyjaŭlena 235 ukazalnikaŭ, dzie zhadvajucca nasielenyja punkty RF i RB.
Ahulny košt poŭnaj zamieny abo častkovaha karektavańnia znakaŭ aceńvajecca pryblizna na 120 tysiač jeŭra.
Minsuviazi padkreślivaje, što pastupovaje admova ad nazvaŭ nasielenych punktaŭ RF i RB nijak nie ŭpłyvaje na funkcyjanalnaść maršrutaŭ ci biaśpieku ruchu. Kampanija Latvijas Valsts ceļi pavinna pravieści asnoŭnyja pracy pry spryjalnych umovach nadvorja nie paźniej za 30 vieraśnia hetaha hoda.
Kamientary
Puk v vodu, tołku nol, no raschodiaŝichsia, šumnych i durnopachnuŝich kruhov mnoho....
Možietie minusovať, no suť nie iźmienitsia.