Vialikaja partyja abutku «Biełviest» zhareła pry pažarach na składach Wildberries
Kampanija prosić pra dapamohu.
Biełaruski vytvorca abutku «Biełviest» źviarnuŭsia da svaich pakupnikoŭ pa padtrymku paśla straty bujnoj partyi pradukcyi. Tavar zhareŭ padčas niadaŭnich maštabnych pažaraŭ na łahistyčnych kompleksach Wildberries, jakija ŭźnikli paśla ŭkrainskich atak dronaŭ.
«Zhareła vialikaja partyja našaha abutku, jaki my z takoj luboŭju šyli dla vas. Skažam ščyra: situacyja niaprostaja, i nam zaraz trochi sumna», — piša kampanija ŭ sacsietkach.
Brend płanuje jak maha chutčej adnavić abjomy pastavak i zapoŭnić asartymient novymi kalekcyjami.
«Kali vy płanujecie štości zamović, to prosim vas nie adkładvać pakupku. Aformiŭšy zakaz zaraz, vy nie tolki atrymajecie kamfortny, skurany, sapraŭdny abutak «Biełviest», ale i padtrymajecie lubimy brend», — prosić kampanija pra padtrymku.
Pradstaŭniki «Biełviest» zaklikali klijentaŭ padtrymać vytvorcu i nie adkładvać zapłanavanyja pakupki, afarmlajučy zakazy na aficyjnych staronkach brenda na markietplejsie ŭ Biełarusi i Rasii.
Kamientary