Minabarony pakazała niadbajnych rabotnikaŭ APK, jakich pryzvali na zbory
Jany słužać u adnym sa złučeńniaŭ sił śpiecyjalnych apieracyj.
Vajskovaabaviazanyja ź liku niadobrasumlennych śpiecyjalistaŭ sielskahaspadarčych pradpryjemstvaŭ, nabranyja ŭ adno z złučeńniaŭ sił śpiecyjalnych apieracyj, adpracoŭvajuć elemienty taktyčnaj padrychtoŭki na vajskovym palihonie, paviedamiła Minabarony.
«Padčas zaniatkaŭ jany pieraadoleli psichałahičnuju pałasu, prajšli abkatku bajavymi mašynami BTR-70MB1 i adpracavali evakuacyju padraździaleńniaŭ na bronietransparciorach u rajon zasiarodžvańnia. Napieradzie — vykanańnie vučebna-bajavych zadač na ŭčastkach dziaržaŭnaj miažy», — zaznačaje Mianabarony.
U lipieni Łukašenka prapanavaŭ adpraŭlać niadbajnych čynoŭnikaŭ i rabotnikaŭ sielskaj haspadarki na vajskovyja zbory. Paśla hetaha Minabarony adpraviła vajenkamaŭ inśpiektavać sielhaspradpryjemstvy padčas žniva.
7 žniŭnia Łukašenka padčas naviedvańnia Vilejki i rajona zajaviŭ, što ŭ vojska nakiravali kala 500 niadbajnych čynoŭnikaŭ i śpiecyjalistaŭ. Jon prapanavaŭ pryciahnuć ich da rabot na zaniadbanych sielskahaspadarčych ziemlach Minskaj vobłaści.
«Vaźmicie hetyja dźvie bataljonna-taktyčnyja hrupy, jakija stvaryli ź niadbajnych čynoŭnikaŭ i śpiecyjalistaŭ. Razumiejecie, pra što idzie havorka? Ciapier ich kala 500 čałaviek. Ja ich nazyvaju — dźvie bataljonna-taktyčnyja hrupy», — zajaviŭ tady jon.
-
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»
-
U prodažy źjaviłasia pašyranaje anhłamoŭnaje vydańnie knihi Alesia Bialackaha
-
«Chto praź viosku jedzie — spyniajecca, fatahrafuje». Biełaruska raskazała pra historyju viekavoha dreva na svajoj siadzibie
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»6
Kamientary
A ministra abarony nakiravać u kałhas na ŭborku ŭradžaja.
Kaniečnie, nie na traktar. Bo pasada vysokaja, pavažanaja, vialikaja vysłuha hadoŭ . Tamu nie na traktar, a na samy vialiki i mahutny ŭ kałhasie kambajn.