U Pietrykaŭskim rajonie Homielskaj vobłaści ŭviedzieny karancin u suviazi sa ŭspyškaj afrykanskaj čumy śviniej. Ačah zachvorvańnia vyjaŭleny na pryvatnym padvorku ŭ vioscy Turok, piša «Jeŭraradyjo» sa spasyłkaj na dakumienty, atrymanyja ad «Biełpoł».
Epizaatyčnym ačahom vyznačana terytoryja asabistaj padsobnaj haspadarki ŭładalnika. Pahroźlivaj zonaj radyusam 3 kiłamietry — vioski Iljič i Vyšałaŭ Pietrykaŭskaha rajona, zonaj nazirańnia — terytoryja ŭsiaho rajona.
Ab hetym paviedamlajecca ŭ daviedcy-abhruntavańni da rašeńnia rajvykankama, padrychtavanaj hałoŭnym vieterynarnym uračom rajona Michaiłam Mazurkievičam.
Na pieryjad karancinu ŭ ačahu zachvorvańnia zabaronieny ŭvachod i ŭjezd starońnich asob i transpartu, vyvaz žyvych śviniej i praduktaŭ zaboju, vyvaz śvinahadoŭčaj syraviny i karmoŭ, pierahrupoŭka žyvioł, a taksama narychtoŭka i realizacyja śvininy i inšaj žyviołahadoŭčaj pradukcyi.
U pahroźlivaj zonie i zonie nazirańnia ŭviedzieny zabarona na handal śvińniami i praduktami ich zaboju na rynkach, zabarona na praviadzieńnie kirmašoŭ i vystavak z udziełam žyvioł, a taksama abaviazkovy ŭlik usiaho pahałoŭja śviniej u asabistych haspadarkach nasielnictva.
Raniej, jak vynikaje z pratakoła pasiadžeńnia kamisii, było pryniata rašeńnie ab likvidacyi ŭsiaho pahałoŭja śviniej na padvorku ŭ Turku, dzie vyjaŭlena zachvorvańnie.
Vieterynarnaj słužbie taksama daručana abśledavać usie pryvatnyja padvorki ŭ nasielenym punkcie i pravieści tłumačalnuju rabotu z žycharami pa pytańniach prafiłaktyki afrykanskaj čumy śviniej.
Akramia taho, pryniata rašeńnie ab źniščeńni badziažnych žyvioł na terytoryi vioski.
Dziaržaŭnaj ustanovie «Pietrykaŭskaja rajonnaja vieterynarnaja stancyja» daručana prainfarmavać nasielnictva praź miascovyja ŚMI i paviedamić ab pahrozie raspaŭsiudžvańnia chvaroby inšym rajonam Homielskaj vobłaści.
Afrykanskaja čuma śviniej adnosicca da asabliva niebiaśpiečnych zachvorvańniaŭ žyvioł, pry jakim dla chatnich śviniej nie isnuje lačeńnia i vakcyny, a zaražanaje pahałoŭje padlahaje źniščeńniu.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ36
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary