U Kijevie adbyłasia pierastrełka pamiž SBU i vajskoŭcami HUR. Jość paranienyja
SBU paviedamlaje pra ŭzbrojeny napad na svaich supracoŭnikaŭ, były kiraŭnik HUR Kirył Budanaŭ namiakaje na advarotnyja abstaviny.
Pierastrełka adbyłasia ranicaj 2 vieraśnia ŭ Dniaproŭskim rajonie Kijeva.
Pavodle krynic «Ukrainskaja praŭda», ranieńni atrymali troje pradstaŭnikoŭ Hałoŭnaha ŭpraŭleńnia raźviedki Minabarony Ukrainy. Aficyjna kolkaść paciarpiełych pakul nie nazyvałasia.
U Słužbie biaśpieki Ukrainy zajavili, što jaje supracoŭniki pravodzili nieadkładnyja śledčyja dziejańni ŭ spravie ab terakcie, jaki, pavodle viersii viedamstva, arhanizavała rasijskaja FSB.
Ale hrupa ludziej nibyta zabłakavała aŭtamabilami prajezd śledčaj hrupie i napała na jaje sa zbrojaj. Na miesca vyklikali śpiecpadraździaleńnie «Alfa».
«Padčas spynieńnia ŭzbrojenaha supracivu supracoŭniki ŭžyli zbroju. U vyniku zdareńnia jość paranienyja siarod asob, jakija akazvali supraciŭ. Napadniki zatrymanyja», — havorycca ŭ paviedamleńni SBU.
U viedamstvie kažuć, što zatrymanyja słužać u adnym z padraździaleńniaŭ Sił abarony Ukrainy. U ich kanfiskavali zbroju i dakumienty. Ofis hienieralnaha prakurora pačaŭ rasśledavańnie pa fakcie pahrozy i zamachu na žyćcio supracoŭnika SBU.
Kiraŭnik Ofisa prezidenta Ukrainy i były kiraŭnik HUR Kirył Budanaŭ adreahavaŭ na pierastrełku i faktyčna ahučyŭ inšuju viersiju padziej.
«Nichto nie maje prava biespakarana vykradać vajskoŭcaŭ, adkryvać ahoń na vulicach našych haradoŭ, addavać i vykonvać złačynnyja zahady. Situacyjaj užo zajmajucca Dziaržaŭnaje biuro rasśledavańniaŭ i Ofis hienieralnaha prakurora», — zajaviŭ jon u kamientary RBK-Ukraina.
Pierastrełku źviazvajuć sa źniknieńniem Ściapana Kapłunova — namieśnika kamandzira pa bajavoj pracy «Ruskaha dobraachvotnickaha korpusa», jaki ŭvachodzić u strukturu HUR. Napiaredadni ŭ RDK zajavili, što Kapłunova zabrali nieviadomyja kala jaho doma, paśla čaho suviaź ź im źnikła.
U toj ža čas ranicaj 2 vieraśnia SBU i HUR paviedamili, što razam praduchilili padrychtavany FSB zamach na adnaho ź lidaraŭ rasijskaha apazicyjnaha nacyjanalnaha ruchu. Jaho imia aficyjna nie nazyvałasia, ale krynicy ŭkrainskich ŚMI śćviardžajuć, što havorka išła mienavita pra Kapłunova. Inšych padrabiaznaściaŭ pakul niama.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ75
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary
- Da.
- Tut vrač s milicionierom dierutsia - ja čto-to i nie znaju, kuda pozvoniť...