Ale kali pradprymalnik na praciahu minimalnaha strachavoha stažu (20 hadoŭ) rabiŭ adličeńni tolki z raźliku minimalnaha zarobku, to jon moža raźličvać tolki na 600 rubloŭ.
Pamier piensii ŭ indyvidualnych pradprymalnikaŭ u Biełarusi niepasredna zaležyć ad stažu i dachodu, ź jakoha vypłačvalisia ŭznosy ŭ biudžet fondu. U Ministerstvie pracy i sacyjalnaj abarony raspaviali, jak farmirujucca hetyja vypłaty, piša Office Life.
Pavodle danych viedamstva, siaredni pamier piensii pa ŭzroście składaje 1125 rubloŭ.
Ale kali pradprymalnik na praciahu minimalnaha strachavoha stažu (20 hadoŭ) rabiŭ adličeńni tolki z raźliku minimalnaj zarabotnaj płaty, to jon moža raźličvać tolki na 600 rubloŭ.
Sama suma ŭznosaŭ pryviazanaja da minimalnaha zarobku, jaki 1 studzienia składaje 858 rubloŭ. Štomiesiac treba płacić 35% ad hetaj vieličyni. Pry hetym taryfy padzielenyja: IP, advakaty i nataryusy ŭnosiać poŭnyja 35%, kudy ŭvachodzić piensijnaje i sacyjalnaje strachavańnie. Ramieśniki, uładalniki ahrasiadzib i płacielščyki adzinaha padatku addajuć tolki 29% na piensijnuju častku.
Dla pradprymalnikaŭ, jakija pracujuć na padachodnym padatku, jość važny niuans. Kali ich faktyčny dachod mienšy za 12 minimalnych zarobkaŭ śniežnia minułaha hoda, to 35% płaciać z realnaha zarobku. Kali dachod vyšejšy za hety paroh, to ŭznosy raźličvajucca maksimum z płanki ŭ 12 minimałak.
Pieryjady pracy, za jakija ŭznosy ŭ FSAN naohuł nie ŭnosilisia abo vypłačvalisia nižej za minimalny pamier, u strachavy staž albo nie zaličać, albo ŭklučać z panižalnym kaeficyjentam.
Dla farmiravańnia bolš vysokich vypłat IP rekamiendujuć rabić adličeńni z dachodu, jaki pieravyšaje minimalny zarobak.
Kamientary