5 durnych mifaŭ pra seks

1. Zaŭsiody možna palepšyć jakaść svaich adčuvańniaŭ. Heta vialikaja abłuda XX-ha stahodździa. Paśla seksualnaj revalucyi nam uhaniajuć u vušy pra seks bieź pierapynku i asałodu bieź miežaŭ. Nam davodziać, što zaŭsiody možna palepšyć, aptymizavać, pasprabavać novyja prystasovy, dasiahnuć novych niaznanych pieražyvańniaŭ. Pryŭłaščvańnie padobnych dumak moža mieć jakraz advarotny ŭpłyŭ, zrabicca pryčynaj zasmučeńniaŭ i razčaravańniaŭ… Kali palapšać seks — dyk u miežach mahčymaściaŭ, jakija va ŭsich ludziej roznyja, i heta narmalna.

2. Seks — sucelnaja hienietyka. Niekatoryja šanavalniki teoryi evalucyi ćvierdziać, što luboščy naprastki źviazanyja z praciaham rodu, jakaja ŭ svaju čarhu źviazanaja z prahaj čałaviečaha rodu vyžyć. Usio heta, maŭlaŭ, i tłumačyć, što mužčynskaja seksualnaść dosyć ahresiŭnaja, a žanočaja — pabočny pradukt žadańnia naradzić. Tak, sapraŭdy, u seksa jość hienietyčny składnik, ale nichto nie skazaŭ, što jon adziny. Našaja seksualnaść vyklikanaja taksama psichałahičnymi i sacyjalnymi pryčynami. Heta dobra vidać na seksualnych razładach, kali jany ŭźnikajuć u vyniku psichałahičnaj traŭmy, abo navat duchoŭnaha kryzisu. My ž prajšli doŭhuju darohu, pierš čym pierastali być pieršabytnym ŭ čałavieku razumnaha i byli zasiarodžanyja na vyžyvańni.

3. Seks na plažy — vierch usich viarchoŭ. Luboščy ŭ publičnym miescy — pašyranaja fantazija jak mužčyna tak i žančyn, a plaž uznačalvaje chit-parad samych žadanych miescaŭ dla atrymańnia seksualnaj asałody. Pra toje śćviardžajuć šmatlikija sacyjałahičnyja apytańni, praviedzienyja siarod seks-letucieńnikaŭ. Što ž adbyvajecca nasamreč? Plaž — ci nie najhoršaje miesca dla ŭvasableńnia tych mrojaŭ. Pa-pieršaje, piasok. Halizna na plažy aznačaje, što piasok pratočycca va ŭsie adtuliny. I akramia zvyčajnaha zabrudžvańnia plažnyja luboščy časam viaduć da zaražeńnie ŭnutranych orhanaŭ. Plus niepryjemnaja kazytlivaść. A jašče piasok, jaki trapiŭ u preziervatyŭ, moža chutka i lohka parvać humu padčas cierci. I niazručna, oj jak niazručna biez zvykłaj kanapy i bializny!

4. Kali ejakulacyja adbyvajecca zvonku, zaciažaryć niemahčyma. Padmurak hetaha mifa: śpiermatazoidy zastalisia zvonku — apładnieńnia być nie moža nijakim čynam. Pamyłka! Nasamreč ža čałaviectva ździviłasia by, kali b paličyła, kolki dzietak naradžajecca ŭ vyniku takoha psieŭdabiaśpiečnaha seksu. Reč u tym, što jašče da vyviaržeńnia čeles vyłučaje admysłovuju vadkaść, jakaja dziejničaje ŭ jakaści šmaravidła. Navat nievialikaja kolkaść hetaha rečyva źmiaščaje śpiermatazoidy, jakich chapiła b na abłasny centr. Takija luboščy — chutčej rasijskaja ruletka, dzie hulec maje nie aby-jakija šancy dastać kulu.

5. Ad seksu padčas miesiačnicy nie zaciažaryš. Padmurkam hetaha mifa źjaŭlajecca toj fakt, što padčas rehułaŭ žanočaje cieła całkam pazbaŭlajecca ad jajcakletak. U pryncypie heta tak, ale treba pryhadać, što mužčynskaje nasieńnie časam moža pražyć cełym i žyvym u macicy niekalki dzion. A jašče zdarajecca, što ŭ niekatorych žančyn utvareńnie novych jajcakletak adbyvajecca pierad kryvaciokam.

• 0
• 0
• 0
• 0
• 0
• 0
• 0
• 0