Ptuški zastalisia na zimoŭku ŭ Bujničach, što za try kiłamietry ad abłasnoha centra.
Tut pasialilisia adrazu čatyry busły. Zrešty, miascovyja žychary śćviardžajuć, što ptušak bolš — na vyhule bačyli šeść, piša «Mahiloŭ anłajn».
Ptuški vyhladajuć amal ručnymi: padpuskajuć da siabie zusim blizka, asabliva kali jość pačastunak.
Apošnim časam haradžanie padkormlivajuć busłoŭ, choć jašče niadaŭna spadziavalisia, što ptuški źbiarucca ŭ darohu.
Pavodle słoŭ adnoj ź miascovych žycharak, prynamsi adna ptuška vyhladała traŭmavanaj — u jaje źvisała kryło. Ciapier usie vyhladajuć całkam zdarovymi, voś tolki ci mohuć jany latać — skazać składana. U asnoŭnym ptuški pierasoŭvajucca pieššu i skačkami.
Žychary Bujničaŭ chvalujucca: što budzie, kali ŭdaryć maroz? Jany ŭžo zadumvajucca, kudy źviartacca, kali ptuškam spatrebicca dapamoha.
Zahadčyk i namieśnik dyrektara pa kamiercyjnych pytańniach Mahiloŭskaha zaasada Ivan Nižnikaŭ kaža: kali ptuškam spatrebicca dapamoha, kab pieražyć zimu, ich hatovyja pryniać — dla hetaha jość valjery. Ale nie fakt, što ŭsio atrymajecca: pry sprobie złavić busły mohuć palacieć.
Tak užo było letaś, kali ŭ Bujničach zimavaŭ inšy busieł — pałachlivy, sa zdarovymi kryłami. Złavić jaho tak i nie zmahli. U vyniku ptuška pasialiłasia na dachu miascovaha «Jeŭraopta», hrełasia kala truby, a nieabyjakavyja ludzi jaje padkormlivali.
Darečy, toj busieł paśpiachova pieražyŭ zimu, choć słupok termomietra časam apuskaŭsia da minus 30 hradusaŭ. Z nadychodam ciapła jon palacieŭ.
Čamu ž busły nie adlacieli sioleta? Pryčyny mohuć być roznymi, adznačaje Ivan Nižnikaŭ. Ptuški maładyja — mahčyma, heta poźni vyvadak. A moža, u maładych busłoŭ zahinuli baćki i naščadkaŭ prosta nie paśpieli navučyć. Mahli adyhrać rolu i traŭmy, i padkormlivańnie ludźmi.
Takija sproby prajavić dabryniu mohuć abiarnucca «miadźviedžaj pasłuhaj», adznačaje śpiecyjalist: ptuška chutka advykaje samastojna zdabyvać ježu i zastajecca, raźličvajučy, što čałaviek jaje prakormić.
Jak by tam ni było, Ivan Nižnikaŭ kaža, što pakul nie bačyć pryčyn dla ŭmiašańnia. Ciapier busłoŭ padkormlivajuć miascovyja žychary, i pry ciapierašnich tempieraturach ptuški adčuvajuć siabie dobra.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary