«Pa sutnaści, havorka idzie pra terytoryju, jakaja składaje kala 11% krainy», — skazaŭ dziaržsakratar ZŠA.
Dziaržsakratar ZŠA Marka Rubia zajaviŭ, što vajna va Ukrainie «nasamreč datyčycca Danbasa».
«Choć časta kažuć, što heta vajna va Ukrainie, nasamreč jana datyčycca Danbasa — adnaho kankretnaha rehijona krainy. Pa sutnaści, havorka idzie pra terytoryju, jakaja składaje kala 11% krainy: Rasija imkniecca jaje atrymać, ale nie moža zachapić vajennym šlacham, a Ukraina nie choča ad jaje admaŭlacca. I Ukraina maje važkija pryčyny prytrymlivacca takoj pazicyi — heta pytańnie suvierenitetu i ŭłasnaj doŭhaterminovaj biaśpieki», — skazaŭ jon na pres-kanfierencyi 22 kastryčnika, paviedamlaje Ukrainskaja słužba Radyjo Svaboda.
Rubia padkreśliŭ, što hety kanflikt niemahčyma vyrašyć vajennym šlacham: jon moža zaviaršycca tolki dypłamatyčnym šlacham.
Pavodle jaho słoŭ, pytańnie ŭ tym, ci «ŭdasca dasiahnuć takoha vyniku, pry jakim abodva baki niešta atrymajuć, ale adnačasova pojduć na sastupki, što dazvolić zaviaršyć vajnu».
«Situacyja składanaja, ale mahu skazać adno: jak by ciažka ni było, dasiahnuć rašeńnia niemahčyma, pakul abodva baki nie siaduć za stoł pieramovaŭ. My hatovyja ŭziać na siabie rolu pasiarednika ŭ hetym pracesie. Mienavita heta my i sprabujem zrabić. My nie śćviardžajem, što sami pa sabie pieramovy aŭtamatyčna vyrašać prablemu, ale biez taho, kab pasadzić baki za stoł pieramovaŭ, šancaŭ na vyrašeńnie prablemy ŭvohule niama», — dadaŭ dziaržsakratar ZŠA.
Kamientary
Rubio rabotajet na trampa i dołžien poddierživať, obosnovyvať, opravdyvať trampovskij schiematoz trampa s putinym, inačie vyletit s dołžnosti.
Čto tramp, s podači putina, skazał i sdiełał, Rubio dołžien obosnovať i opravdať.
Choť on i ponimajet, čto putinu nužna VSIA Ukraina, a nie Ukrainskij Donbass, no dołžien i vynuždien ihrať i podyhryvať ihram putina s trampom.