Niamieckaja bryhada ŭ Litvie budzie adsočvać vajskovuju aktyŭnaść u Biełarusi
Niamieckija vajskoŭcy buduć źbirać źviestki pra biełaruskija radary i inšyja krynicy radyjoelektronnych sihnałaŭ. Danyja ŭniasuć u bazy, jakimi karystajucca siły Hiermanii i jaje sajuźnikaŭ, kab svoječasova zaŭvažać źmieny.
Pastajanna dysłakavanaja ŭ Litvie niamieckaja bryhada budzie vykarystoŭvać srodki radyjoelektronnaj baraćby dla rańniaha papiaredžańnia pra vajskovuju aktyŭnaść u Biełarusi i Kalininhradskaj vobłaści Rasii. Pra heta Reuters raskazaŭ kiraŭnik kibiernietyčnych sił bundeśviera vice-admirał Tomas Daum.
Bryhada, jakuju płanujuć całkam razharnuć u 2027 hodzie, budzie źbirać źviestki pra rasijskija i biełaruskija vajskovyja krynicy vypramieńvańnia i radarnyja sistemy.
«Kali niešta adbudziecca, hetyja padraździaleńni heta vyjaviać», — skazaŭ Daum.
U dačynieńni da Biełarusi adna z zadač — zaŭvažać źjaŭleńnie novych radaraŭ i pieradavać hetyja źviestki ŭ ahulnyja bazy radyjoelektronnaj baraćby.
«My ŭniasiom hetyja danyja ŭ bazy radyjoelektronnaj baraćby, jakija zatym paviedamiać usim našym sistemam, kali na biełaruskim baku źjavicca novy radar», — patłumačyŭ vice-admirał.
Ciapier niamieckaja armija vypraboŭvaje ŭ Litvie srodki vyjaŭleńnia dronaŭ, pierachopu sihnałaŭ i stvareńnia pieraškod. Taksama testujuć datčyki, jakija pieradajuć źviestki z pola boju analitykam, što pracujuć na adlehłaści.
Daum źviazvaje nieabchodnaść uzmacniać hetyja mahčymaści z rasijskaj aktyŭnaściu ŭ Jeŭropie.
Pavodle jaho acenki, u niekatorych jaje častkach Rasija pierajšła da druhoj fazy, kali metaj užo stanovicca pryčynieńnie škody bieź pierachodu da ŭzbrojenaha kanfliktu. Na papiarednim etapie, skazaŭ jon, rasijskija dziejańni byli skiravanyja na tajemnaje praniknieńnie ŭ zachodnija kampjutarnyja sietki i zamacavańnie ŭ ich.
«U kibierinfarmacyjnaj śfiery jašče niama vajny, ale miru ŭžo taksama niama», — zajaviŭ Daum.
U žniŭni ŭrad Hiermanii ŭchvaliŭ miery, jakija pavinny dać śpiecsłužbam bolš paŭnamoctvaŭ dla ŭzłomu kamunikacyj i zryvu apieracyj zamiežnych praciŭnikaŭ. Ich jašče musić zaćvierdzić parłamient. Niamieckija čynoŭniki tłumačać hetyja zachady rostam pahrozy kibiernietyčnych i hibrydnych atak.
Daŭm pryznaŭ, što ŭ papiarednija dziesiacihodździ Hiermanija mała inviestavała ŭ novyja mahčymaści. «Ciapier… jość patreba palapšać našy mahčymaści», — skazaŭ jon.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary