Jakija vahony pastaviać u minskaje mietro zamiest štadleraŭskich FOTA
U Padmaskoŭi žurnalistam vydańnia «Točka» pakazali vahony mietro, jakija chutka možna budzie ŭbačyć u minskaj padziemcy.
Jak piša vydańnie, mietrapaliten atrymaje novyja ciahniki ad «Mietrovahonmaš» praz try tydni.
Vahony ŭžo na stadyi finalnaj zborki, a prybuduć u Minsk naŭzamien ruchomaha sastavu ad «Štadlera».
Usiaho da kanca hoda zavod u Myciščach pastavić minskamu mietro 28 vahonaŭ.
Raniej paviedamlałasia ab padpisańni «Štadleram» pahadnieńnia ź Minskim mietrapalitenam na pastaŭku 19 novych sastavaŭ da 2025 hoda. Ale paźniej stała viadoma, što pastavak sa «Štadlera» nie budzie, novy kantrakt u mietrapalitena zaklučany z rasijskim «Mietrovahonmašam».
Niemahčymaść vykanać kantrakt z boku «Štadlera» ŭłady nazvali «admovaj u vyniku sankcyjnaha cisku».
«Praz zabaronu pastavak, składanaści ŭ łahistycy, sankcyi «Štadler» akazaŭsia ŭ situacyi niemahčymaści narmalna praciahvać dziejnaść. Była ideja pastaŭlać kuzavy ŭ Polšču, a tam užo stavić elektroniku, jakuju nielha dastavić u Biełaruś. I dalej užo pradavać na Zachad. Niejki čas historyja pracavała, ale niadoŭha. Ciapier užo ŭsio. Ciapier niemahčyma vyvozić navat prosta kuzavy, prosta ź Biełaruśsiu nie chočuć pracavać», — raskazvaŭ letaś «Našaj Nivie» adzin z surazmoŭcaŭ.
«Stadler zachoŭvaje zavod u Biełarusi dla taho, kab pierazapuścić jaho, jak tolki sankcyi buduć źniatyja», — havorycca ŭ spravazdačy karparacyi za pieršuju pałovu 2023 hoda.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy48
Kamientary