«Trastbank» pradaduć, kab sabrać hrošy na vyzvaleńnie Šaŭcova?
U «Trastbank» adnym z akcyjanieraŭ jakoha źjaŭlajecca apalny biełaruski biźniesmien Viktar Šaŭcoŭ, adbyłasia źmiena kiraŭnictva. Juryja Kaštanava zusim niečakana na pasadzie staršyni praŭleńnia banka źmianiŭ Barys Šac.Na aficyjnym sajcie «Trastbank» Barys Šac pradstaŭleny jak v.a. staršyni praŭleńnia. Šac pracuje ŭ banku z momantu jaho zasnavańnia ŭ 1994 hodzie, da niadaŭniaha času jon zajmaŭ pasadu namieśnika staršyni praŭleńnia, padparadkoŭvajučysia Kaštanavu.
U čym pryčyna adstaŭki Kaštanava, nie paviedamlajecca. Ale pa infarmacyi z našych krynic (aficyjna jana nie paćviardžajecca) adstaŭka bankira moža być źviazanaja ź pieradprodažnaj dziejnaściu, jakaja viadziecca ciapier u dačynieńni da «Trastbanka». Hety aktyŭ Viktara Šaŭcova, jaki vosieńniu minułaha hoda byŭ zatrymany pa padazreńni ŭ ździajśnieńni ekanamičnych złačynstvaŭ u Vieniesuele, moža być pradadzieny dla akumulavańnia sumy, nieabchodnaj dla pakryćcia škody, abo
Infarmacyja pra toje, što Viktar Šaŭcoŭ zatrymany, źjaviłasia ŭ kastryčniku 2011 hoda. Da hetaha času i, pa dadzienych z aficyjnaha sajta, ciapier Šaŭcoŭ źjaŭlaŭsia i źjaŭlajecca staršyniom nahladalnaha savieta kampanii «Biełzamiežbud». Hetaja struktura, u jakoj «Trastbanku» naležyć 10% akcyj (astatni pakiet raźmierkavany pamiž emirackim afšoram «Almando» bresckim «Budtrestam № 8» i «Homielprambudam») źjaŭlajecca hałoŭnym trymalnikam kantraktaŭ pa pastaŭkach u Vieniesuełu biełaruskich tavaraŭ i padradčykam pa ŭsich sumiesnych budaŭničych prajektach.
Našyja krynicy zapeŭnivajuć, što ŭ historyi z zatrymańniem Šaŭcova nie abyšłosia biez pravaj ruki Łukašenki i hałoŭnaha pradstaŭnika palityčnych intaresaŭ Minska ŭ Vieniesuele — pamočnika prezidenta pa asablivych daručeńniach Viktara Šejmana. Śćviardžajecca, što mienavita ź jaho padačy Šaŭcoŭ trapiŭ u niałasku Łukašenki i paśla ŭ čekisckaje SIZA (aficyjnaja viersija) abo ž pa pratekcyi kiraŭnika BPC Fiłareta — pad chatni aryšt (nieaficyjnaja viersija).
U kancy śniežnia minułaha hoda Alaksandr Łukašenka paćvierdziŭ fakt aryštu biźniesmiena, nazvaŭ pryčyny i zaadno — ramačnyja ŭmovy jaho mahčymaha vyzvaleńnia.
«Pa ŭsich dziejańniach jaho i inšych uzbudžanaja kryminalnaja sprava, zvyčajnaja šarahovaja kryminalnaja sprava pa kradziažu, vyvadu hrošaj, i pravaparušeńni ŭ Vieniesuele ŭ suviazi z budaŭnictvam tam abjektaŭ uspłyli» — ahučyŭ Łukašenka niekatoryja padrabiaznaści hučnaj kryminalnaj spravy na śniežańskaj
«Jaho złačynstvy — u ekanamičnaj śfiery. Pravaparušeńni — ekanamičnaja śfiera. Škodu nanios dziaržavie? Dvuchrazovy, trochrazovy pamier — hrošy na stoł, i pajšoŭ. Nie zapłacić hrošy — budzie siadzieć u turmie» — skazaŭ tady ž Łukašenka.
Paźniej u biełaruskich ŚMI sa spasyłkami na pradstaŭnikoŭ pravaachoŭnych orhanaŭ źjaviłasia i infarmacyja ab pamiery škody, jaki nibyta naniesieny Šaŭcovym i jaki jon pavinien pahasić — 10 młn. dalaraŭ. To bok z ulikam zajavy Łukašenki Šaŭcoŭ u vyniku pavinien adkupicca abo 20, abo 30 miljonami dalaraŭ.
U 2008 hodzie kala 30 młn. dalaraŭ unios za źniaćcie ź siabie abvinavačvańnia inšy viadomy biełaruski biźniesoviec, hałoŭny ŭładalnik Handlovaha doma «Ždanovičy» Jaŭhien Šyhałaŭ. Vypłata hetaj sumy nie adbiłasia na pieraliku aktyvaŭ, jakija kantralujucca Šyhałavym, jon, jak i raniej, zastajecca uładalnikam rynkaŭ, banka i inšych pradpryjemstvaŭ.
Pieralik kampanij i dolaŭ, jakija kantralujucca Šaŭcovym, bolš šmatliki, čym u Šyhałava. Adnak u adroźnieńnie ad «Ždanovičaŭ» niešmatlikija ź ich źjaŭlajucca krynicami stałaha keša, heta pradpryjemstvy mašynabudavańnia, «Hałahrafičnaja industryja» častka hrošaj ŭkładzienaja ŭ nieruchomaść. Tak što, na dumku ekśpiertaŭ, niejkimi svaimi aktyvami, kab sabrać patrebnuju sumu, biźniesmienu daviadziecca achviaravać. I nie vyklučana, što «Trastbank» moža apynucca ŭ śpisie na prodaž.
Krynica: ej.by
http://www.ej.by/news/companies/2012/03/07/__trastbank___prodadut__chtoby_sobrat__den_gi_na_osvobozhdenie_shevtsova_.html
Kamientary