Мікрапластык упершыню знайшлі ў крыві чалавека. Ці ёсць небяспека?
Навукоўцы знайшлі ў крыві людзей часціцы ПЭТ, поліэтылену і полістыролу. Прычым навукоўцы выявілі драбнюткія часціцы амаль у 80% пратэставаных людзей. Адкрыццё паказвае, што часціцы могуць перамяшчацца па целе і асядаць у органах. Уплыў на здароўе пакуль невядомы.
Навуковы артыкул выйшаў у часопісе Environment International, коратка пра яе распавядае Guardian.
Велізарная колькасць пластыкавых адходаў выкідаецца ў наваколле. Цяпер мікрапластык забруджвае ўсю планету, ад вяршыні гары Эверэст да самых глыбокіх акіянаў. Людзі спажываюць драбнюткія часціцы з ежай і вадой, а таксама ўдыхаюць іх. Мікрапластык быў знойдзены ў фекаліях немаўлятаў і дарослых. Часціцы таксама знаходзілі ў плацэнтах цяжарных жанчын, а ў цяжарных пацукоў яны хутка праходзяць праз лёгкія ў сэрца, мозг і іншыя органы плода.
У новым даследаванні навукоўцы прааналізавалі ўзоры крыві 22 здаровых дарослых людзей і выявілі часціцы пластыка ў 17 з іх.
Палова ўзораў крыві ўтрымлівала ПЭТ-пластык, які звычайна выкарыстоўваецца ў бутэльках для напояў, а траціна — полістырол, які выкарыстоўваецца для ўпакоўкі. Чвэрць ўтрымоўвала поліэтылен, з якога вырабляюць пластыкавыя пакеты.
«Вядома, ёсць падставы для хвалявання. Часціцы мікрапластыка пераносцца крывёю па ўсім целе», — сказаў прафесар Дзік Ветхаак, экатаксіколаг з Амстэрдамскага свабоднага ўніверсітэта ў Нідэрландах.
Паводле яго слоў, папярэдняя праца паказала, што колькасць мікрапластыка ў фекаліях немаўлятаў у дзесяць разоў вышэйшая, чым у дарослых, і што дзеці, якіх кормяць з пластыкавых бутэлек, праглынаюць мільёны часціц мікрапластыка ў дзень.
«Гэта наватарскае даследаванне. Цяпер патрабуецца дадатковая праца. Адрозненне можа адлюстроўваць кароткачасовае ўздзеянне да таго, як былі ўзятыя ўзоры крыві, — напрыклад, піццё з кубка з пластыкам або нашэнне пластыкавай маскі для твару. Вялікае пытанне ў тым, што адбываецца ў нашым целе. Часціцы затрымліваюцца ў арганізме? Пераносяцца яны ў пэўныя органы? І ці дастаткова высокія гэтыя ўзроўні, каб выклікаць захворванне? Нам тэрмінова трэба фінансаваць далейшыя даследаванні, каб мы маглі гэта высветліць», — сказаў навуковец.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары