Грамадства2222

Стала вядома, як КДБ вылічвае тых, хто данаціў у «Байсол»

Два гады спецслужбісты патрацілі на вывучэнне наладак фэйсбука, каб знайсці там дзірку ў бяспецы, і цяпер шантажуюць гэтым беларускіх айцішнікаў. 

Мы паведамлялі пра тое, што беларускія спецслужбы скончылі ідэнтыфікацыю асоб, якія ў гарачыя месяцы 2020-2021 гадоў данацілі грамадскім ініцыятывам. У першую чаргу гаворка ідзе пра «Байсол», але не толькі. А падазраваныя збольшага — заможныя колы праграмістаў. 

Крыніцы: Янчэўскі прыдумаў, каб праграмістаў за данаты 2020-га не садзілі, але здзіралі кампенсацыю ў дзесяціразовым памеры

Цяпер праграмістаў масава выклікаюць у КДБ, дзе прымушаюць прызнавацца ў фактах данатаў і выстаўляюць дзесяцікратны рахунак ад памера даната, які трэба выплаціць на карысць лукашэнкаўцаў. 

«Наша Ніва» даведалася, якім чынам спецслужбісты атрымалі інфармацыю аб асобах ахвярадаўцаў. 

Сэнс у тым, што на адпаведны запыт з боку КДБ беларускія банкі далі спецслужбам інфармацыю толькі аб плацяжах з беларускіх карт у бок Facebook за перыяд са жніўня 2020-га года, калі здарыўся ўсплёск данатаў у фонды на фоне зверстваў лукашэнкаўцаў — тысячам людзей у адзін момант спатрэбілася рэабілітацыя і дапамога. 

Але вось нюанс — і банкі, і спецслужбы могуць бачыць толькі перавод у бок фэйсбука з персаналізаванай беларускай карты, але яны не могуць ідэнтыфікаваць, на што канкрэтна пайшлі грошы: сацсетка прапануе масу платных сэрвісаў, такіх як гульні, дадаткі, тавары ў Facebook Marketplace. 

Як жа тады зразумець, што чалавек падтрымліваў менавіта «Байсол» ці іншы збор? А не, напрыклад, купляў сабе віртуальны меч ці шыны на машыну? 

Толькі інтуітыўна, разумеючы абставіны: наўрад ці ў жніўні-снежні 2020-га праграмісты масава куплялі сабе віртуальныя мячы, — думаюць лукашэнкаўцы. 

Каб у гэтым пераканацца і выставіць дзесяцікратны мультыплікатар, праграмістаў і выклікаюць у КДБ, дзе ўсіх просяць зайсці ў свой аккаўнт на фэйсбуку. 

І тут пачынаецца тое, чаго можна пазбегнуць толькі праз поўнае выдаленне акаўнта. Аказваецца, у фэйсбуку ёсць дзірка ў бяспецы, якая, калі глядзець на яе вачыма каліфарнійца (Facebook створаны ў Каліфорніі), дзіркай можа і не з'яўляецца, але ў рэжымах дыктатуры можа стаць нагодай для крымінальнага пераследу. 

У раздзеле Facebook Pay вашай старонкі захоўваюцца даныя пра ўсе плацяжы карыстальніка, і выдаліць іх адтуль ніяк немагчыма — такой опцыі проста не існуе. Можна толькі атрымаць чэк аб плацяжы, што па-чорнаму іранічна ў беларускіх абставінах. 

Прыклад справаздачы аб траце з замазанымі дэталямі

Такім чынам, калі лукашэнкаўцы атрымліваюць фізічны доступ да фэйсбук-профілю падазраванага, таму застаецца толькі прызнаць факт падтрымкі фондаў і пагадзіцца на выплату па 10-кратным мультыплікатары на карысць лукашэнкаўцаў. 

Схаваць гісторыю сваіх плацяжоў можна, толькі калі цалкам выдаліць свой акаўнт, але спецслужбы будуць працягваць бачыць факт пераводу грошай з вашай беларускай карткі ў бок фэйсбука, таму прыйдзецца тлумачыць, што ж насамрэч вы аплочвалі, і тлумачыць, чаму цяпер таго профілю не існуе. 

Каментары22

  • змыгарык
    11.01.2023
    змыгарыки, напряглись? 
  • Olaf
    11.01.2023
    [Рэд. выдалена]
  • AlexxelA
    11.01.2023
    Калі той хто збіраў данаты выдаліць збор, будзе значыцца як "Fundraiser Deleted", і тады нічога ніякай інфармацыі не застанецца каму і куды грошы былі пералічаныя.
    Таму тут трэба Лявончыку, БайСол і інш. як мага хутчэй падчысціць усе тыя зборы грошай.

Цяпер чытаюць

«Па адчуваннях, хварэюць усе»: педыятр пра сітуацыю з грыпам у Беларусі2

«Па адчуваннях, хварэюць усе»: педыятр пра сітуацыю з грыпам у Беларусі

Усе навіны →
Усе навіны

Блогеру Мэлстрою адправілі позву на допыт у пасольства Расіі ў Чарнагорыі3

У Мінску сталі прадаваць бярозавы сок

Пяскоў сказаў, што Бедрос Кіркораў прайшоў Вялікую Айчынную вайну. Але таму было 9 гадоў у 1941-м21

Навукоўцы змаглі вызначыць магчымых сваячак Ефрасінні Полацкай дзякуючы генетычнаму аналізу9

У Мінску сутыкнуліся дзве легкавушкі і маршрутка

Загінуў беларус з Індуры, які ваяваў на баку Расіі. Пратрымаўся менш за два месяцы3

Памерла самая разумная малпа ў свеце, якая ведала больш за 300 слоў, гатавала і гуляла ў Minecraft24

За скандальны гадзіннік Франака Вячоркі ўжо даюць 2500 еўра35

Галоўная рэдактарка «Белсата» Аліна Коўшык стала вядучай ранішняга шоу на канале3

больш чытаных навін
больш лайканых навін

«Па адчуваннях, хварэюць усе»: педыятр пра сітуацыю з грыпам у Беларусі2

«Па адчуваннях, хварэюць усе»: педыятр пра сітуацыю з грыпам у Беларусі

Галоўнае
Усе навіны →

Заўвага:

 

 

 

 

Закрыць Паведаміць