Адбыўся суд над музыкамі гурта Litesound, братамі Дзмітрыем і Уладзімірам Каракінымі ды іх бацькамі, паведаміў у фэйсбуку кіраўнік Беларускай рады культуры Сяргей Будкін.
Музыкаў Дзмітрыя і Уладзіміра Каракіных, а таксама іх маці Вольгу Крайко асудзілі на 2,5 года «хатняй хіміі».
Бацьку хлопцаў Юрыю Каракіну далі 3 гады «хатняй хіміі».
Пра затрыманне колішніх удзельнікаў «Еўрабачання» Дзмітрыя і Уладзіміра Каракіных лукашысцкія тэлеграм-каналы напісалі 13 кастрычніка — паводле іх, браты «ўдзельнічалі ў незаконных маршах з перакрыццём дарог, заклікалі і агітавалі ў сацыяльных сетках, супрацоўнічалі з экстрэмісцкімі арганізацыямі».
Каб затрымаць 36-гадовага Дзмітрыя і 32-гадовага Уладзіміра Каракіных, да іх у дом уламіўся САХР у поўнай экіпіроўцы.
З паведамлення ў канале сілавікоў вынікала, што братоў затрымалі за ўдзел у дэманстрацыі 16 жніўня 2020 года, найбольшага шэсця за ўсю гісторыю незалежнай Беларусі. Таксама сілавікі сцвярджалі, што «ў доме знайшоўся арсенал незарэгістраванай зброі, які належаў іх бацьку».
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся28
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары