Перад стартам турніру ў Маямі другая ракетка свету беларуска Арына Сабаленка распавяла, што ў жаночай распранальні яна сутыкаецца з праявамі нянавісці, піша «Камсамольская праўда». А ў чым прычына — не можа зразумець.
Днямі Сабаленка дайшла да фіналу на турніры ў амерыканскім Індыян-Уэлсе, а ў адным з папярэдніх раўндаў украінка Леся Цурэнка адмовілася выходзіць з ёй разам на корт.
«Мне было вельмі цяжка, таму што я ніколі не сутыкалася з такой нянавісцю ў распранальні, — сказала Сабаленка на прэс-канферэнцыі. І далей працягнула:
— Мне вельмі цяжка зразумець, чаму так шмат людзей сапраўды ненавідзіць мяне без прычыны, проста без прычыны».
Сабаленка сказала, што яна нічога дрэннага нікому не зрабіла, але пры гэтым «былі не тое каб бойкі, але нейкія дзіўныя размовы не з дзяўчатамі, а з чальцамі іх каманды».
«Я ўсё яшчэ маю зносіны з некаторымі ўкраінкамі, але ёсць дзяўчаты, якія вельмі агрэсіўныя ў адносінах да нас. Так што я проста трымаюся ад гэтага далей», — заявіла яна.
Арына Сабаленка вядомая не толькі сваімі спартыўнымі перамогамі, але і тым, што з'яўляецца прыхільніцай рэжыму Лукашэнкі. Лукашэнка нядаўна нават публічна падымаў чарку гарэлкі за яе перамогу на Australian Open, седзячы за адным сталом з Сяргеем Цяцерыным і белым шпіцам.
«Пад уражаннем ад пачутага я проста ментальна сарвалася». Украінская тэнісістка не выйшла на матч супраць Арыны Сабаленка
«Балі і абдыманкі з Лукашэнкам — не палітыка?» Спыталі ў сумленных спартсменаў, ці варта зняць спартовы бан з Расіі і Беларусі
«Крычы, б***». На БТ каментатара нецэнзурна прымушалі заўзець за Сабаленку
Навоша: Перамога Арыны Сабаленка нават пад нейтральным сцягам — рэдкая нагода для самасцвярджэння людажэрнай дыктатуры
Лукашэнка адзначыў перамогу Сабаленка на Australian Open у кампаніі Цяцерына і шпіца
Каментары