Спорт2323

Навоша: Перамога Арыны Сабаленка нават пад нейтральным сцягам — рэдкая нагода для самасцвярджэння людажэрнай дыктатуры

Вядомы медыяменеджар, сузаснавальнік папулярных спартовых рэсурсаў Tribuna.com і Sports.ru Дзмітрый Навоша абурыўся прапановай кіраўніка Міжнароднага алімпійскага камітэта дапусціць расійскіх і беларускіх спартоўцаў да Алімпіяды.

«Адхіленне з-за пашпарта не адпавядае каштоўнасцям», — кажа кіраўнік МАК Томас Бах, і прамацвае цяпер ваду ідэяй «ну згуляюць пуціністы/лукашысты на Алімпіядзе пад нейтральным сцягам, што тут такога».

Я раскажу вам, што. На сённяшнім прыкладзе, Сабаленка і лукашыстаў.

Перамога жыхаркі Штатаў Арыны Сабаленка (домам яна ў інтэрвʼю называе Маямі) нават пад нейтральным сцягам — рэдкая нагода для самасцвярджэння людаедскай дыктатуры. Удалы акампанемент праклёнам і пагрозам на адрас тых, хто з дыктатурай змагаецца. А таксама праваеннай, антыўкраінскай і антызаходняй рыторыкі на ўсіх прапагандысцкіх рэсурсах.

Думаю, МАК і Томас Бах дзейнічаюць з лепшых, ідэалістычных памкненняў.

Выбухаў з Лазаны не чуць, злачынствы дыктатур не змяшчаюцца ў галаве (і таму ігнаруюцца як тыя, што не маюць дачынення да справы), вайна глыбока на перыферыі іх свядомасці. Прапанова Зяленскага Баху нанесці візіт у Бахмут — больш чым каламбур. Гэта праўда дапамагло б кіраўніку МАК зразумець больш.

Спорт не проста «можа» выкарыстоўвацца расійскай і беларускай дыктатурамі для нармалізацыі ненармальнага, для апраўдання ранейшых злачынстваў і планавання новых. Ён будзе для гэтага выкарыстоўвацца. Цяпер, калі дыктатурам тэрмінова патрэбныя хоць нейкія пацверджанні сваёй праваты, хоць нейкія поспехі, новыя рэсурсы мабілізацыі, ён будзе выкарыстаны толькі так», — напісаў Дзмітрый Навоша.

Сёння Арына Сабаленка выйграла Australian Open. Лукашэнка і прапагандысты выкарысталі гэта напоўніцу. І, зразумела, гэта толькі пачатак. 

Таксама сёння прэзідэнт Украіны Уладзімір Зяленскі выступіў супраць удзелу расіян і беларусаў у Алімпіядзе пад нейтральным сцягам.

«Алімпійскія прынцыпы і вайна — фундаментальна процілеглыя адно аднаму. Расія павінна спыніць агрэсію і тэрор, і толькі пасля гэтага можна будзе казаць пра расійскі ўдзел у кантэксце алімпійскага руху», — заявіў прэзідэнт Украіны.

Свой пост у тэлеграм-канале Зяленскі суправадзіў  серыяй фатаграфій разбураных залаў і футбольных палёў, а таксама ўкраінскіх спартсменаў, якія трэніруюцца там.

Раней кіраўнік Міжнароднага алімпійскага камітэта Томас Бах, разважаючы ў кулуарах пра магчымасці ўдзелу Расіі ў Алімпійскіх гульнях 2024 года, заявіў, што адхіленне спартсменаў толькі з-за іх пашпартоў не адпавядае каштоўнасцям і місіі Алімпійскай хартыі.

Каментары23

  • Фатограф
    28.01.2023
    А што гэта на фота? Тры грацыі?
  • EMIL
    29.01.2023
    Господин Бах уже давно куплен Масквой.
    А деньги потрачены.
    Теперь пришло время их отрабатывать.
  • Эннот
    29.01.2023
    Я не пойму ,Соболенке не надо было играть и выигрывать ?
    То бишь не ходить на работу,чтоб заработать денег ?
    Кто то из возмущенных комментаторов перестал ходить на работу ,
    чтоб насолить диктатору и остановить войну ?

Цяпер чытаюць

Чамаданава расказала, што катэгарычна нельга абмяркоўваць на кухнях6

Чамаданава расказала, што катэгарычна нельга абмяркоўваць на кухнях

Усе навіны →
Усе навіны

Магутны землятрус каля берагоў Камчаткі прывёў да цунамі, у Японіі і на Гаваях абвешчана эвакуацыя

Якія машыны беларусы дагэтуль актыўна вязуць з ЗША6

Беларус распрацаваў перакладчык для бізнэсу, які прыносіць яму мільён даляраў на год14

У заапарку Нюрнберга застрэлілі 12 бабуінаў. Для іх не хапала месца6

Мінск проці ночы зноў паплыў ВІДЭА3

Сэрвіс, які дазваляе дзяўчатам абменьвацца звесткамі пра мужчын, стаў самым папулярным у ЗША. Але нешта пайшло не так23

Над Мінскам зіхацяць маланкі ФОТАФАКТ2

Балкунец, Шарэнда-Панасюк і яшчэ два чалавекі заклікалі выставіць ультыматум Лукашэнку, а пакуль асудзілі Ціханоўскую118

Беларус забяспечыў казахстанскаму клубу еўракубкавую восень

больш чытаных навін
больш лайканых навін

Чамаданава расказала, што катэгарычна нельга абмяркоўваць на кухнях6

Чамаданава расказала, што катэгарычна нельга абмяркоўваць на кухнях

Галоўнае
Усе навіны →

Заўвага:

 

 

 

 

Закрыць Паведаміць